മറയൂര്‍: കാട്ടുപോത്തിന്‍റെ ആക്രമണത്തില്‍ മറയൂരില്‍ വയോധികനു പരിക്കേറ്റു. പള്ളനാട് മംഗളംപാറ സ്വദേശി തങ്കത്തിനാണ് (62) പരിക്കേറ്റത്.വനാതിര്‍ത്തിയിലുള്ള കൃഷിയിടത്തിലേക്ക് ജലസേചനത്തിനായി പോയപ്പോഴാണ് കാട്ടുപോത്ത് ആക്രമിച്ചത്.
തങ്കം കൃഷി നനയ്ക്കവേ കാട്ടുപോത്ത് കൊമ്ബ് ഉപയോഗിച്ച്‌ പൊക്കി എറിയുകയായിരുന്നു. ശേഷം കാട്ടുപോത്ത് പിന്‍തിരിഞ്ഞുപോയി. കൂടെയുണ്ടായിരുന്ന ഭാര്യ കമലം ഫോണിലൂടെ വിളിച്ച്‌ വിവരം അറിയിച്ചതിനു പിന്നാലെ മകനും നാട്ടുകാരുമെത്തിവനം വകുപ്പിന്‍റെ ജീപ്പില്‍ മറയൂര്‍ സ്വകാര്യ ആശുപത്രിയില്‍ എത്തിച്ച്‌ പ്രാഥമിക ചികിത്സ നല്‍കി.
പിന്നീട് തങ്കത്തിനെ വിദഗ്ധ ചികിത്സക്കായി ഉദുമല്‍പ്പേട്ടയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
