ഹേമ കമ്മിറ്റി റിപ്പോര്‍ട്ടിന്റെ പൂര്‍ണരൂപം സിനിമയിലെ ലൈംഗിക അതിക്രമ പരാതികള്‍ പരിശോധിക്കാന്‍ സര്‍ക്കാര്‍ നിയോഗിച്ച പ്രത്യേക അന്വേഷണ സംഘത്തിന് കൈമാറണമെന്ന് ഹൈക്കോടതി. രണ്ടാഴ്ചയ്ക്കകം മുഴുവൻ റിപ്പോർട്ടും പ്രത്യേക അന്വേഷണ സംഘത്തിന് സമർപ്പിക്കാൻ കോടതി ഉത്തരവിട്ടു.
ഹേമ കമ്മിറ്റി റിപ്പോര്‍ട്ടിലെ ഗുരുതരമായ ആരോപണങ്ങളില്‍ സര്‍ക്കാര്‍ എന്ത് ചെയ്‌തെന്ന ചോദ്യത്തിന് പ്രത്യേക ണഅന്വേഷണ സംഘത്തെ നിയോഗിച്ചെന്നായിരുന്നു സര്‍ക്കാരിന്റെ മറുപടി. എന്തുകൊണ്ടാണ് അടിയന്തര നടപടി സ്വീകരിക്കാത്തതെന്ന് ഹൈക്കോടതി സർക്കാരിനോട് ചോദിച്ചു. പരാതിയുടെയും വെളിപ്പെടുത്തലിൻ്റെയും അടിസ്ഥാനത്തിൽ നിയമനടപടി സ്വീകരിച്ചതായി എജി കോടതിയിൽ പ്രതികരിച്ചു.
