എറണാകുളം: ജില്ലയുടെ പുതിയ കലക്ടറായി ജി. പ്രിയങ്ക ചുമതലയേറ്റു. എന്.എസ്.കെ. ഉമേഷില് നിന്നും പദവി ഏറ്റെടുത്ത പ്രിയങ്ക ജില്ലയുടെ മൂന്നാമത്തെ വനിതാ കലക്ടറാണ്. ഡോ. എം ബീന, ഡോ. രേണു രാജ് എന്നിവരാണ് പ്രിയങ്കയുടെ മുന്ഗാമികളായ വനിതാ കലക്ടര്മാര്.
പാലക്കാട് കലക്ടര് സ്ഥാനത്തു നിന്നാണ് പ്രിയങ്ക എറണാകുളത്തേക്കെത്തുന്നത്. കര്ണാടക സ്വദേശിയായ പ്രിയങ്ക 2017 ബാച്ച് ഉദ്യോഗസ്ഥയാണ്. കോഴിക്കോട് സബ് കലക്ടര്, സാമൂഹിക നീതി വകുപ്പ് ഡയറക്ടര്, വനിത ശിശുക്ഷേമ ഡയറക്ടര് എന്നീ പദവികളിലും പ്രവര്ത്തിച്ചിട്ടുണ്ട്. എഞ്ചിനീയറിങ് ബിരുദധാരിയാണ്. പബ്ലിക് മാനേജ്മെന്റിലും പബ്ലിക് അഡ്മിനിസ്ട്രേഷനിലും ബിരുദാനന്തര ബിരുദവും നേടിയിട്ടുണ്ട്.
സിവില് സ്റ്റേഷന് കവാടത്തില് അസിസ്റ്റന്റ് കളക്ടര് പാര്വതി ഗോപകുമാര്, അഡീഷണല് ജില്ലാ മജിസ്ട്രേറ്റ് വിനോദ് രാജ് എന്നിവരുടെ നേതൃത്വത്തില് പ്രിയങ്കയെ സ്വീകരിച്ചു. തുടര്ന്ന് ചേംബറിലെത്തി എന്.എസ്.കെ. ഉമേഷില് നിന്നും ചുമതല ഏറ്റെടുത്തു. ഡപ്യുട്ടി കലക്ടര്മാരും വിവിധ വകുപ്പുകളുടെ ജില്ലാതല മേധാവികളും അടക്കമുള്ളവര് സന്നിഹിതരായിരുന്നു.
