തൊടുപുഴ: അമ്മയുടെ സുഹൃത്തിന്റെ ക്രൂര മർദ്ദനത്തിനിരയായി മരണത്തിന് കീഴടങ്ങിയ ഏഴ് വയസുകാരന്റെ മൃതദേഹം സംസ്കരിച്ചു.
തൊടുപുഴയിലെ അമ്മയുടെ വീട്ടുവളപ്പിലാണ് മൃതദേഹം സംസ്കരിച്ചത്. നൂറ് കണക്കിന് പേരാണ് കുഞ്ഞിന് ആദരാഞ്ജലികളർപ്പിക്കാനെത്തിയത്. നീണ്ട പത്ത് ദിവസം വെന്റിലേറ്ററില് മരണത്തോട് മല്ലിട്ട ശേഷമാണ് കേരളത്തിന്റെ ഹൃദയത്തെ നൊമ്പരപ്പെടുത്തി കൊണ്ട് ഏഴ് വയസുകാരന് മരണത്തിന് കീഴടങ്ങിയത്.
ഇന്നലെ മുതല് കുട്ടിയുടെ കുടലിന്റെ പ്രവര്ത്തനം തീരെ മോശമായിരുന്നുവെന്നും ഭക്ഷണം കൊടുക്കാന് സാധിക്കാത്ത സ്ഥിതിയായിരുന്നുവെന്നും കുട്ടി ചികിത്സയില് കഴിഞ്ഞ കോലഞ്ചേരി മെഡിക്കല് കോളേജിലെ ഡോക്ടര് ആര്യന് മരണം വിവരം പങ്കുവച്ചു കൊണ്ട് മാധ്യമങ്ങളോട് പറഞ്ഞു.
