മുണ്ടക്കൈ ദുരന്തത്തില് രക്ഷപ്പെട്ട് ക്യാമ്പില് കഴിയുന്നവരെ സമ്മര്ദ്ദത്തിലാക്കി സ്വകാര്യ പണമിടപാട് സ്ഥാപനങ്ങൾ. . ഇഎംഐ തുക അടയ്ക്കാൻ വിളിക്കുന്നതായി പരാതി. തന്നെ ബന്ധപ്പെട്ട പണമിടപാട് സ്ഥാപനം ‘ജീവിച്ചിരിപ്പുണ്ടോ?’ എന്നാണ് എന്നാണ് ചോദിച്ചതെന്നും ഉണ്ടെങ്കില് ‘ഇഎംഐ തുക അടക്കണം’ എന്നും ആവശ്യപ്പെടുകയായിരുന്നുവെന്നുമാണ് പരാതിക്കാരന് പറയുന്നത്.
“ എനിക്ക് ബാങ്കിൽ നിന്ന് ഒരു കോൾ ലഭിച്ചു, അവർ ആദ്യം ചോദിച്ചത്: നിങ്ങൾ സുരക്ഷിതനാണോ? സുരക്ഷിതരാണെന്ന് പറഞ്ഞപ്പോള് നിങ്ങളുടെ ഇഎംഐ പെന്റിംഗ് ആണെന്നും അത് അടക്കണമെന്നുമാണ് ആവശ്യപ്പെട്ടത്. എങ്കില് പണം അടക്കൂവെന്ന് കേള്ക്കുമ്പോഴുള്ള മാനസികാവസ്ഥ വല്ലാത്തതാണ്. എല്ലാം നഷ്ടപ്പെട്ട അവസ്ഥയാണ്.’ പരാതിക്കാരന് പ്രതികരിച്ചു.
