തിരുവനന്തപുരം : പന്ത്രണ്ട് മണിക്കൂറിനുള്ളില് അറബിക്കടലില് ചുഴലിക്കാറ്റ് രൂപപ്പെട്ടേക്കാം എന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഗോവ തീരത്ത് നിന്ന് 440 കിലോമീറ്റര് മാറിയും മുംബൈ തീരത്ത് നിന്ന് 600 കിലോ മീറ്ററും മാറി ഉണ്ടാവുന്ന അതിതീവ്രന്യൂനമര്ദ്ദമാണ് ചുഴലിക്കാറ്റായി മാറുന്നത്. അറബിക്കടലില് ഈ വര്ഷം രൂപപ്പെടുന്ന ഒന്പതാമത്തെ ചുഴലിക്കാറ്റാണ് ഇത്. അംബാന് എന്നാണ് ചുഴലിക്കാറ്റിന് നല്കിയിരിക്കുന്ന പേര്. ചുഴലിക്കാറ്റാകുന്നതോടെ മഹാരാഷ്ട്ര, ഗോവ, ലക്ഷദ്വീപ് എന്നിവിടങ്ങളില് ശക്തമായ മഴ പെയ്യാന് സാധ്യതയുണ്ട്. മഹാരാഷ്ട്ര, ഗുജറാത്ത്, ഗോവ, കേരളം, കര്ണ്ണാടക എന്നിവിടങ്ങളില് മഴയ്ക്കും ഇടിമിന്നലിനും സാധ്യതയുണ്ട്.
