കണ്ണൂര്: കണ്ണൂര് പിലാത്തറയില് കള്ളവോട്ട് നടനന് സംഭവത്തില് മൂന്ന് പേര്ക്കെതിരെ കേസെടുത്തു. സലീന, സുമയ്യ, പത്മിനി എന്നിവര്ക്കെതിരെയാണ് ക്രിമിനല് കേസ് റെജിസ്റ്റര് ചെയ്തിരിക്കുന്നത്. ആള്മാറാട്ടം അടക്കമുള്ള വകുപ്പുകള് ചുമത്തിയാണ് കേസ്. ജനപ്രാതിനിധ്യ നിയമം അനുസരിച്ചും കേസെടുത്തിട്ടുണ്ട്.
മൂവരും കള്ളവോട്ട് ചെയ്തയായി മുഖ്യ തെരഞ്ഞെടുപ്പ് ഓഫീസര് വ്യക്തമാക്കിയിരുന്നു. ഓപ്പണ് വോട്ടാണെന്നായിരുന്നു ഇവരുടെ വാദം. എന്നാല് മൂവരുടെയും ഭാഗം കൂടി കേട്ട ശേഷമാണ് കേസെടുത്തിരിക്കുന്നത്.
പ്രാഥമികമായി കേസെടുക്കല് മാത്രമാണ് പൂര്ത്തിയായിരിക്കുന്നത്. ഇവരെ പിന്നീട് ചോദ്യം ചെയ്യും. കേസ് എടുത്തവരിൽ സലീന സിപിഎം പഞ്ചായത്തു അംഗമാണ്. ഇവരെ അയോഗ്യയാക്കുമെന്ന് തെരഞ്ഞെടുപ്പ് ഓഫീസര് നേരത്തേ അറിയിച്ചിരുന്നു.
