ഇന്ത്യയില് കോവിഡ് രോഗികളുടെ എണ്ണം പതിനഞ്ച് ലക്ഷം കടന്നു. 15.31 ലക്ഷം പേര്ക്കാണ് രാജ്യത്ത് ഇതുവരെ കോവിഡ് സ്ഥിരീകരിച്ചത്. 24 മണിക്കൂറിനിടെ 48,513 പേര്ക്ക് പുതിയതായി രോഗം സ്ഥിരീകരിച്ചു. 768 മരണവും കഴിഞ്ഞ 24 മണിക്കൂറിനിടയില് രാജ്യത്ത് റിപ്പോര്ട്ട് ചെയ്തു. 24 മണിക്കൂറിനിടെ ആന്ധ്രയില് 7948 ഉം മഹാരാഷ്ട്രയില് 7717 ഉം കേസുകളാണ് റിപ്പോര്ട്ട് ചെയ്തത്. മഹാരാഷ്ട്രയില് തുടര്ച്ചയായി രണ്ടാംദിവസവും രോഗികളെക്കാള് കൂടുതല് പേര് രോഗമുക്തരായി. 24 മണിക്കൂറിനിടെ 10,333 പേര്ക്ക് രോഗം ഭേദമായി. കര്ണാടകയില് 5000 ലധികം പുതിയ കേസുകള് റിപ്പോര്ട്ട് ചെയ്തു. കര്ണാടകയിലെ ആകെ മരണസംഖ്യ 2000 കടന്നു. ഡല്ഹിയില് 24 മണിക്കൂറിനിടെ 1056 രോഗബാധിതര് ഉണ്ടായി.
