കോവിഡ് വാക്സീന് എപ്പോള് ലഭ്യമാകുമെന്ന് പറയാനാകില്ലെന്ന് പ്രധാനമന്ത്രി നരേന്ദ്രമോദി. ശാസ്ത്രജ്ഞര് വാക്സീന് വികസിപ്പിക്കാനുള്ള തീവ്രശ്രമത്തിലാണ്. വാക്സീന് വിതരണത്തിനായി കേന്ദ്രവും സംസ്ഥാനങ്ങളും യോജിച്ച് പ്രവര്ത്തിക്കുമെന്നും മുഖ്യമന്ത്രിമാരുമായുള്ള ചര്ച്ചയില് പ്രധാനമന്ത്രി പറഞ്ഞു. കൊവിഡ് വാക്സിനില് രാഷ്ട്രീയം കളിക്കരുതെന്നും അദ്ദേഹം കൂട്ടിച്ചേര്ത്തു.
കോവിഡ് വ്യാപനം രൂക്ഷമായ ഡല്ഹി, കേരളം, മഹാരാഷ്ട്ര തുടങ്ങിയ എട്ടു സംസ്ഥാനങ്ങളിലെ മുഖ്യമന്ത്രിമാരുമായി പ്രധാനമന്ത്രി നരേന്ദ്രമോദി വീഡിയോ കോണ്ഫറന്സിലൂടെ ചര്ച്ച നടത്തി. കേരളം, ഡല്ഹി, മഹാരാഷ്ട്ര, രാജസ്ഥാന് സംസ്ഥാനങ്ങള് അതീവജാഗ്രത പുലര്ത്തണമെന്നും നിരീക്ഷണം ശക്തമാക്കണമെന്നും കേന്ദ്ര ആരോഗ്യസെക്രട്ടറി രാജേഷ് ഭൂഷണ് പറഞ്ഞു.
ഡല്ഹി, രാജസ്ഥാന്, ഗുജറാത്ത് തുടങ്ങിയ പല സംസ്ഥാനങ്ങളും നിയന്ത്രണങ്ങള് പുനഃസ്ഥാപിക്കുകയാണ്. അന്തരീക്ഷ മലിനീകരണമാണ് മൂന്നാംഘട്ട വ്യാപനത്തിന് കാരണമായതെന്ന് യോഗത്തില് ഡല്ഹി മുഖ്യമന്ത്രി പറഞ്ഞു. ഡല്ഹിയിലെ പോസിറ്റിവിറ്റി നിരക്ക് നിയന്ത്രിക്കാന് സാധിച്ചതായും മുഖ്യമന്ത്രി അറിയിച്ചു.
വാക്സിന് വിതരണം സംബന്ധിച്ച് ആദ്യമായാണ് സംസ്ഥാന മുഖ്യമന്ത്രിമാരുമായി പ്രധാനമന്ത്രി സംസാരിക്കുന്നത്. വാക്സിന് വിതരണത്തിന്റെ മുന്ഗണനാ പട്ടിക, വികസനം, ചെലവ് തുടങ്ങിയവ യോഗത്തില് ചര്ച്ചയാകും. നീതി ആയോഗ് ഉന്നത ഉദ്യോഗസ്ഥരും യോഗത്തില് പങ്കെടുത്തു. പ്രധാനമന്ത്രി വിളിച്ച രണ്ടാമത്തെ യോഗത്തില് പഞ്ചാബ് മുഖ്യമന്ത്രി അമരേന്ദര് സിംഗ് പങ്കെടുത്തില്ല.
