മൂവാറ്റുപുഴ: മൂവാറ്റുപുഴ ജനറല്‍ ആശുപത്രിയിലെ ഡയാലിസിസ് യൂണിറ്റ് ഉദ്ഘാടനം ആഗസ്റ്റ് നാലിലേയ്ക്ക് മാറ്റി. ഈമാസം 21ന് ആരോഗ്യ വകുപ്പ് മന്ത്രി കെ കെ ഷൈലജ ടീച്ചര്‍ ഉദ്ഘാടനം ചെയ്യുമെന്ന് അറിയിച്ചിരുന്നത്. 21-ലെ മന്ത്രിയുടെ ഔദ്യോഗിക പരിപാടികള്‍ റദ്ദ് ചെയ്തതിനെ തുടര്‍ന്നാണ് ഉദ്ഘാടനം ആഗസ്റ്റ് നാലിലേയ്ക്ക് മാറ്റിയത്. ഡയാലിസിസ് യൂണിറ്റ് തുറന്ന് പ്രവര്‍ത്തിക്കുന്നതിന് വേണ്ട മറ്റ് തയ്യാറെടുപ്പ് ജോലികള്‍ മാറ്റമില്ലാതെ തുടരുമെന്നും, ആഗസ്റ്റ് മാസം രണ്ടാമത്തെ ആഴ്ച മുതല്‍ ഡയാലിസിസ് സേവനങ്ങള്‍ രോഗികള്‍ക്ക് ലഭ്യമാകുമെന്നും ആശുപത്രി സൂപ്രണ്ട് ഡോ.ആശ വിജയന്‍ അറിയിച്ചു.
