തിരുവനന്തപുരം: സംസ്ഥാനത്തെ കൊവിഡ് വ്യാപനത്തിന്റെ കാര്യത്തില്‍ ജാഗ്രത പുലര്‍ത്തണമെന്ന് ആരോഗ്യ വിദഗ്ധര്‍. പെരുന്നാളും വിഷുവും അടുത്തിരിക്കെയാണ് മുന്‍കരുതല്‍ നിര്‍ദേശം. സംസ്ഥാനത്ത് വാക്സിന്റെ ലഭ്യത കുറവുണ്ടെന്നും ആരും തന്നെ വാക്സിന്‍ എടുക്കുന്നില്ലെന്നും ആരോഗ്യ വകുപ്പ് വ്യക്തമാക്കി.
കേരളത്തിലെ കൊവിഡ് രോഗികളുടെ എണ്ണം നിലവില്‍ 16,308 ആണ്.മാസ്‌ക് നിലവില്‍ പ്രായമായവരും ഗര്‍ഭിണികളും മറ്റു രോഗമുള്ളവരും ഉള്ള വീടുകളിലും ആശുപത്രികളിലുമാണ് നിര്‍ബന്ധമാക്കിയിട്ടുള്ളതെന്ന് ആരോഗ്യ വിദഗ്ധര്‍ പറഞ്ഞു. ഗുരുതര രോഗികളെ പ്രവേശിപ്പിക്കുന്ന സംസ്ഥാനത്തെ മെഡിക്കല്‍ കോളേജുകളില്‍ നിലവില്‍ രോഗികളുടെ തിരക്കില്ല എന്നതാണ് ആശ്വാസം.
