സ്ത്രീകളെ രാത്രി ചികിത്സാ കേന്ദ്രങ്ങളിലേക്ക് മാറ്റേണ്ടതില്ലെന്ന് ആരോഗ്യ വകുപ്പിന്റെ നിര്ദേശം. രാത്രി ആംബുലന്സ് അയക്കേണ്ടത് അടിയന്തര സാഹചര്യത്തില് മാത്രമാണെന്നും നിര്ദേശത്തില് പറയുന്നു. രാത്രി സ്ത്രീകളെ ചികിത്സാ കേന്ദ്രത്തിലെത്തിക്കേണ്ടി വന്നാല് ആരോഗ്യ പ്രവര്ത്തകര് ഒപ്പമുണ്ടാകണമെന്നും ആരോഗ്യ വകുപ്പ് കൂട്ടിച്ചേര്ത്തു.
അതേസമയം, ആറന്മുള കൊവിഡ് രോഗിയായ പെണ്കുട്ടിയെ ആംബുലന്സില് വച്ച് പീഡിപ്പിച്ച കേസില് പ്രതിയെ കസ്റ്റഡിയില് ആവശ്യപ്പെട്ട് അന്വേഷണ സംഘം ഇന്ന് കോടതിയില് അപേക്ഷ സമര്പ്പിക്കും. അടൂര് മജിസ്ട്രേറ്റ് കോടതിയിലാണ് അപേക്ഷ നല്കുന്നത്. ഇന്നലെ കോടതിയില് ഹാജരാക്കിയ പ്രതി നൗഫലിനെ പതിനാല് ദിവസത്തേക്ക് റിമാന്ഡ് ചെയ്തിരുന്നു.
ഞായറാഴ്ച പുലര്ച്ചെ ഒരു മണിയോടെയാണ് സംഭവം നടന്നത്. കൊവിഡ് സ്ഥിരീകരിച്ച ശേഷം ട്രീറ്റ്മെന്റ് സെന്ററിലേക്ക് കൊണ്ടുപോകുന്നതിനിടെ പെണ്കുട്ടിയെ ആംബുലന്സ് ഡ്രൈവര് പീഡിപ്പിക്കുകയായിരുന്നു.
