നൂറ്റാണ്ടുകളായി ആയുർവേദ ചികിത്സയില് പ്രധാനപ്പെട്ട ഒരു ഘടകമാണ് നെയ്യ്. ഇതിന് പുറമെ ഇന്ത്യക്കാര് നിരവധി ഭക്ഷണങ്ങളിലും നെയ്യ് ചേര്ത്ത് കഴിക്കാറുണ്ട്. ആരോഗ്യകരമായ കൊഴുപ്പുകൾ, അവശ്യ വിറ്റാമിനുകൾ, ആന്റിഓക്സിഡന്റുകൾ എന്നിവയാൽ സമ്പന്നമാണ് നെയ്യ്. ദഹനം മെച്ചപ്പെടുത്താനും പ്രതിരോധശേഷി ശക്തിപ്പെടുത്താനും ഊർജ്ജ നില വർധിപ്പിക്കാനും ഇത് സഹായിക്കുന്നു. നെയ്യ് ദഹിക്കാൻ എളുപ്പവുമാണ്.ദിവസവും ഒന്നോ രണ്ടോ ടീസ്പൂൺ നെയ്യ് കഴിക്കുന്നത് കൊണ്ടുണ്ടാകുന്ന ആരോഗ്യ ഗുണങ്ങള് എന്തൊക്കെയാണെന്ന് നോക്കാം…
നെയ്യ് ദഹനം മെച്ചപ്പെടുത്താന് സഹായിക്കുന്നു. കുടൽ പാളിയെ പോഷിപ്പിക്കുകയും മലവിസർജ്ജനത്തെ പിന്തുണയ്ക്കുകയും ചെയ്യുന്നു. നെയ്യ് കഴിക്കുന്നത് അസിഡിറ്റിയോ മലബന്ധം ഉള്ളവർക്ക് ഗുണം ചെയ്യും.
രോഗപ്രതിരോധ ശേഷിക്ക്
ആന്റിഓക്സിഡന്റുകളും കൊഴുപ്പിൽ ലയിക്കുന്ന വിറ്റാമിനുകളും (എ, ഡി, ഇ, കെ) കൊണ്ട് സമ്പുഷ്ടമായ നെയ്യ് രോഗപ്രതിരോധ ശേഷിയെ ശക്തിപ്പെടുത്തും. കൂടാതെ അണുബാധയില് നിന്ന് ശരീരത്തെ പ്രതിരോധിക്കാനും നെയ്യ് സഹായിക്കും
കുടലിന്റെ ആരോഗ്യത്തിന്
നെയ്യിൽ ബ്യൂട്ടിറിക് ആസിഡ് അടങ്ങിയിട്ടുണ്ട്, ഇത് കുടലിലെ വീക്കം കുറയ്ക്കുന്നതിനും കുടലിന്റെ ആരോഗ്യത്തെ പിന്തുണയ്ക്കുകയും ചെയ്യുമെന്ന് ആയുര്വേദത്തില് പറയുന്നു.
ഓർമ്മശക്തിക്ക്
നെയ്യിലെ ആരോഗ്യകരമായ കൊഴുപ്പുകൾ തലച്ചോറിലെ കോശങ്ങളെയും നാഡികളുടെ പ്രവർത്തനത്തെയും പിന്തുണയ്ക്കുന്നു. ഇത് ശ്രദ്ധ, ഓർമ്മശക്തി എന്നിവ മെച്ചപ്പെടുത്തുമെന്നാണ് ആയുര്വേദത്തില് പറയുന്നത്.
ഹൃദയാരോഗ്യത്തിന്
നെയ്യ് മിതമായ അളവിൽ കഴിക്കുന്നത് നല്ല കൊളസ്ട്രോളിന്റെ (HDL) അളവ് സന്തുലിതമാക്കാനും എല്ഡിഎല് കൊളസ്ട്രോള് കുറക്കാനും സഹായിക്കുമെന്നും പഠനങ്ങള് പറയുന്നു.
ശരീരഭാരം കുറക്കാന്
ശരീരഭാരം കുറക്കാന് ആഗ്രഹിക്കുന്നവര് വെറും വയറ്റില് ഒരു സ്പൂണ് നെയ്യ് കഴിക്കുന്നത് നല്ലതാണ്..ഇത് വിശപ്പ് കുറക്കും,പോഷകങ്ങൾ നന്നായി ആഗിരണം ചെയ്യാൻ സഹായിക്കുന്നു.
ചർമ്മ സംരക്ഷണത്തിന്
നെയ്യിലെ അവശ്യ ഫാറ്റി ആസിഡുകളും വിറ്റാമിനുകളും ചർമ്മത്തെ ആരോഗ്യമുള്ളതാക്കാന് സഹായിക്കും.
