സംസ്ഥാനത്ത് ഞായറാഴ്ച വരെ ശക്തമായ മഴ തുടരും. ഇന്നും നാളെയും 12 ജില്ലകളില് മഴ മുന്നറിയിപ്പ്. ആറ് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളിലാണ് ഓറഞ്ച് അലര്ട്ട്. ഇന്ന് കണ്ണൂര്, കാസര്കോട് ഒഴികെയുള്ള മറ്റ് ജില്ലകളില് യെല്ലോ അലര്ട്ടാണ്.
മണിക്കൂറില് 50 കിലോമീറ്റര് വരെ വേഗതയുള്ള കാറ്റിന് സാധ്യതയുണ്ട്. കേരള തീരത്ത് മത്സ്യബന്ധനത്തിന് വിലക്കേര്പ്പെടുത്തി. കടല് പ്രക്ഷുബ്ധമാണ്. ശ്രീലങ്കന് തീരത്തു രൂപമെടുത്ത ന്യൂനമര്ദം കേരള തീരത്തിത് സമീപത്തു കൂടി അറേബ്യന് കടലില് എത്തും. ഇതിന്റെ സ്വാധീനത്തില് ഞായറാഴ്ച വരെ മഴ കിട്ടുമെന്നും കാലാവസ്ഥയുപ്പ് അറിയിച്ചു.
ബംഗാള് ഉള്ക്കടലിലെ ന്യൂനമര്ദവും അറബിക്കടലിലെ ചക്രവാതച്ചുഴിയുമാണ് കേരളത്തില് മഴ ശക്തമാകാന് ഇടയാക്കിയത്. തെക്കു പടിഞ്ഞാറന് ബംഗാള് ഉള്ക്കടലില് രൂപപ്പെട്ട ന്യൂനമര്ദം ഇന്നലെ ഉച്ചയോടെ ശ്രീലങ്കയ്ക്കു സമീപത്തെത്തി. ഇന്നും നാളെയും ന്യൂനമര്ദം ശ്രീലങ്ക കടന്നു വീണ്ടും പടിഞ്ഞാറു ദിശയില് നീങ്ങുമെന്നാണു വിലയിരുത്തല്.