തിരുവനന്തപുരം: ശക്തമായാ നീരൊഴുക്കിനെ തുടര്ന്ന് പേപ്പാറ ഡാമിൻ്റെ ഷട്ടറുകള് തുറക്കുമെന്ന് ജില്ലാ ഭരണകൂടം അറിയിച്ചു. നാളെ രാവിലെ അഞ്ചുമണിക്ക് ഡാമിൻ്റെ എല്ലാ ഷട്ടറുകളും അഞ്ചു സെന്റിമീറ്റര് വീതം ഉയര്ത്തുമെന്ന് ജില്ലാ കലക്ടർ അറിയിച്ചു.
തിരുവനന്തപുരത്തെ മലയോര മേഖലയില് ശക്തമായ മഴ തുടരുന്നതിൻ്റെ പശ്ചാത്തലത്തിലാണ് തീരുമാനം. ഇന്നലെ ഉണ്ടായ ശക്തമായ മഴയില് വിനോദ സഞ്ചാര കേന്ദ്രമായ പൊന്മുടി അടച്ചു. നിലവില് പേപ്പാറ ഡാമിൻ്റെ നാലു ഷട്ടറുകളും അടച്ചിരിക്കുകയാണ്. നാളെ രാവിലെ ഷട്ടറുകള് തുറക്കുന്ന സാഹചര്യത്തില് ഡാമിൻ്റെ പ്രദേശത്തുള്ളവര് ജാഗ്രത പാലിക്കണമെന്ന് അധികൃതര് പറഞ്ഞു.
