സംസ്ഥാനത്ത് രണ്ട് ദിവസം അതിശക്തമായ മഴയ്ക്ക് സാധ്യതയെന്ന് കാലാവസ്ഥ വകുപ്പിന്റെ മുന്നറിയിപ്പ്. അറബിക്കടലില് ന്യൂനമര്ദ്ദം രൂപപ്പെട്ടു. തിരുവനന്തപുരം ജില്ലയില് വ്യാപകമായി മഴ തുടരുകയാണ്. ഉയര്ന്ന തിരമാലയ്ക്ക് സാധ്യതയുണ്ട്. മല്സ്യത്തൊഴിലാളികള് കടലില് പോകരുത്. രണ്ടുദിവസം ജാഗ്രത പാലിക്കണമെന്നും മുന്നറിയിപ്പ്.
ബുധനാഴ്ച വരെ കൊല്ലം, ആലപ്പുഴ, കൊച്ചി, പൊന്നാനി, കോഴിക്കോട്, കണ്ണൂര്, കാസര്ഗോഡ് ജില്ലകളില് 1.9 മുതല് 2.4 വരെ ഉയരത്തില് തിരമാലയ്ക്കും, കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചു.
തെക്ക്പടിഞ്ഞാറ് അറബിക്കടലില് മണിക്കൂറില് 45 മുതല് 55 കിമീ വരെ വേഗതയില് ശക്തമായ കാറ്റിനു സാധ്യതയുള്ളതിനാല് മത്സ്യതൊഴിലാളികള് കടലില് പോകരുതെന്നും കാലാവസ്ഥ വകുപ്പ് മുന്നറിയിപ്പ് നല്കുന്നു.
