നടന്‍ ജയസൂര്യയ്ക്ക് മികച്ച നടനുള്ള രാജ്യാന്തര പുരസ്കാരം. ടാന്‍സ്ജന്‍ഡറിന്റെ കഥ പറഞ്ഞ ‘ഞാന്‍ മേരിക്കുട്ടി’ എന്ന ചിത്രത്തിലെ അഭിനയത്തിനാണ് അമേരിക്കയിലെ സിന്‍സിനാറ്റിയില്‍ നടന്ന ഇന്ത്യന്‍ ഫിലിം ഫെസ്റ്റിവല്‍ ഒഫ് സിന്‍സിനാറ്റിയിലാണ് താരത്തെ മികച്ച നടനായി തിരഞ്ഞെടുക്കപ്പെട്ടത്. ജയസൂര്യ തന്നെയാണ് ഫേസ്ബുക്കിലൂടെ അവാര്‍ഡ് ലഭിച്ച കാര്യം അറിയിച്ചിരിക്കുന്നത്.
മത്സരത്തില്‍ ഇന്ത്യയില്‍ നിന്നുള്ള അഞ്ഞൂറോളം സിനിമകള്‍ ഉണ്ടായിരുന്നു. കൂടാതെ പാകിസ്ഥാന്‍, ബംഗ്ലാദേശ്, ശ്രീലങ്ക തുടങ്ങിയ രാജ്യങ്ങളില്‍ നിന്നുള്ള സിനിമകളും മത്സരരംഗത്തുണ്ടായിരുന്നു. തെക്കേ ഏഷ്യന്‍ രാജ്യങ്ങളില്‍ നിന്നുള്ള സിനിമാ പ്രവര്‍ത്തകര്‍ക്ക് പ്രചോദനമാകുക എന്ന ലക്ഷ്യത്തോടെയാണ് മേള സംഘടിപ്പിക്കുന്നത്.
ഇന്ത്യന്‍ ഫിലിം ഫെസ്റ്റിവല്‍ ഒഫ് സിന്‍സിനാറ്റിയില്‍ മികച്ച നടനായി തിരഞ്ഞെടുക്കപ്പെട്ട വിവരം സന്തോഷത്തോടെയും അഭിമാനത്തോടെയും അറിയിക്കുന്നു. ഞാന്‍ മേരിക്കുട്ടി എന്റെ കരിയറിലെ ഏറ്റവും പ്രയാസമേറിയതും വെല്ലുവിളി നിറഞ്ഞതുമായ ഒരു കഥാപാത്രം, രഞ്ജിത് ശങ്കറിനും സിനിമയിലെ എല്ലാ അണിയറപ്രവര്‍ത്തകര്‍ക്കും നന്ദിയെന്നും ജയസൂര്യ കുറിച്ചു.
