എറണാകുളം കെ.എസ്.ആര്‍.ടി.സി ഡിപ്പോയിലെ വാഹനങ്ങള്‍ അണു വിമുക്തമാ ക്കുന്നതിനുള്ള സാമഗ്രികള്‍ കൈമാറി. ജില്ലാ കളക്ടര്‍ എസ്. സുഹാസാണ് ജീവനകാര്‍ക്ക് സാമഗ്രികല്‍ കൈമാറിയത്. പി.പി.ഇ കിറ്റുകള്‍, അണുനാശിനി, പമ്പുകള്‍ എന്നിവ ഇതിനായി ലഭ്യമാക്കുമെന്ന് കളക്ടര്‍ പറഞ്ഞു. റെയില്‍വേ സ്റ്റേഷന്‍, വിമാനത്താവളം എന്നിവിടങ്ങള്‍ സര്‍വ്വീസ് നടത്തുന്ന ബസുകളും അണുവിമുക്തമാക്കും. എറണാകുളം കെ.എസ്.ആര്‍.ടി.സി ഡിപ്പോ ഇന്‍സ്പെക്ടര്‍ ആന്റണി ജോസഫ് ജില്ലാ കളക്ടറില്‍ നിന്ന് ശുഡീകരണ സാമഗ്രികള്‍ ഏറ്റുവാങ്ങി. റീജണല്‍ ട്രാന്‍സ്പോര്‍ട്ട് ഓഫീസര്‍മാരായ കെ. മനോജ് കുമാര്‍, ജി. അനന്തകൃഷ്ണന്‍ എന്നിവര്‍ സന്നിഹിതരായിരുന്നു.
