തിരുവനന്തപുരം: മുതിര്ന്ന മാധ്യമ പ്രവര്ത്തകനും കലാകൗമുദി ബ്യൂറോ ചീഫുമായ എസ് എല് ശ്യാം (45) അന്തരിച്ചു. തിരുവനന്തപുരത്തെ സ്വകാര്യ ആശുപത്രിയില് ചികിത്സയിലായിരുന്നു എസ് എല് ശ്യാം. കുടപ്പനക്കുന്ന് മേരിഗിരി റോഡ് തുമ്പിക്കോണം നന്ദനത്തില് എത്തിച്ച ഭൗതികശരീരം വൈകിട്ട് 4.30 മുതല് 5.30 വരെ പ്രസ് ക്ലബ്ബില് പൊതുദര്ശനത്തിന് വെക്കും. വൈകിട്ട് ആറിന് തൈക്കാട് ശാന്തികവാടത്തില് മൃതദേഹം സംസ്കരിക്കും. ഭാര്യ ഇന്ദു (സെക്രട്ടറിയേറ്റ്), മകന് മാധവന്.
ദീപിക, രാഷ്ട്രദീപിക, മംഗളം, തൃശൂര് എക്സ്പ്രസ്, ബിഗ് ന്യൂസ് തുടങ്ങിയ മാധ്യമ സ്ഥാപനങ്ങളിലും പ്രവര്ത്തിച്ചിട്ടുണ്ട്. തിരുവനന്തപുരം പ്രസ് ക്ലബ് മുന് സെക്രട്ടറിയായും പ്രവര്ത്തിച്ചു. എസ് എല് ശ്യാമിന്റെ നിര്യാണത്തില് മുഖ്യമന്ത്രി പിണറായി വിജയനും പ്രതിപക്ഷ നേതാവ് വി ഡി സതീശനും അനുശോചിച്ചു.