കണ്ണൂര്: വീട് പൊളിക്കുന്നതിനിടെ ചുമരിടിഞ്ഞ് വീണ് എട്ടുവയസുകാരി മരിച്ചു. തളിപ്പറമ്പ് തിരുവട്ടൂര് അങ്കണവാടി റോഡില് പൊളിച്ചുനീക്കുകയായിരുന്ന വീടിന്റെ മണ്ചുമര് വീണാണ് അപകടം ഉണ്ടായത്. പകുരന് മൂസാന്റകത്ത് സുമയ്യയുടെയും മുജീബിന്റെയും മകള് ജസ ഫാത്തിമയാണ് അപകടത്തില് മരിച്ചത്. സംഭവത്തില് മൂന്ന് കുട്ടികള്ക്ക് പരുക്കേറ്റു.
വെള്ളിയാഴ്ച രാവിലെയായിരുന്നു സംഭവം. പരുക്കേറ്റ മൂന്ന് പേരെയും ഉടന് തന്നെ ആശുപത്രിയിലെത്തിച്ചു. സാരമായി പരുക്കേറ്റ ആദിലിനെ(എട്ട്) കണ്ണൂരിലെ സ്വകാര്യ ആശുപത്രിയിലും അസ്ഹബ്ബ(ഏഴ്)യെയും ജസ ഫാത്തിമയുടെ സഹോദരി ലിന്സ മെഹറിനെ(അഞ്ച്)യും കണ്ണൂര് ഗവ. മെഡിക്കല് കോളേജ് ആശുപത്രിയിലും പ്രവേശിപ്പിച്ചിരിക്കുകയാണ്. വീടിന്റെ ചുമര് പൊളിക്കുന്നതിന് സമീപം കുട്ടികള് കളിച്ചുകൊണ്ടിരിക്കുകയായിരുന്നു. അിതിനിടെയാണ് അപകടം ഉണ്ടായത്.