കാസര്കോഡ് ആത്മഹത്യ ചെയ്ത ഇന്ഫ്ളുവന്സര് ചിന്നു പാപ്പുവിന്റെ ആണ്സുഹൃത്തും മരിച്ച നിലയില്. ചൗക്കി സ്വദേശി സന്ദേശ് ആണ് മരിച്ചത്.
ഇന്ന് ഉച്ചയോടെയാണ് സന്ദേശിനെ വീട്ടില് തൂങ്ങിമരിച്ച നിലയില് കണ്ടെത്തിയത്. ഒരു വര്ഷത്തിലധികമായി ചിന്നുവും സന്ദേശും ഒരുമിച്ചായിരുന്നു താമസം. സന്ദേശിനെതിരെ ആരോപണമുന്നയിച്ച് ചിന്നുവിന്റെ കുടുംബം രംഗത്ത് എത്തിയിരുന്നു. സന്ദേശുമായുള്ള തര്ക്കമാണ് ആത്മഹത്യയില് കലാശിച്ചതെന്നടക്കം ആരോപണം ഉയര്ന്നിരുന്നു. സംഭവത്തില് പൊലീസ് ഇയാളുടെ മൊഴി എടുക്കുകയും ചെയ്തു. ഒപ്പം ഇരുവരുടെയും മൊബൈല് ഫോണുകളും പരിശോധിച്ചു. ഇയാള്ക്ക് കേസുമായി ബന്ധമില്ലെന്ന് കണ്ടെത്തി. ഇതിനു പിന്നാലെയാണ് ആത്മഹത്യ ചെയ്ത നിലയില് കണ്ടെത്തിയത്. ചിന്നുവിന്റെ മരണം സന്ദേശിനെ മാനസികമായി തകര്ത്തിരുന്നുവെന്നാണ്സുഹൃത്തുക്കള് പറയുന്നത്.
