തിരുവനന്തപുരം: ലോറിയില്നിന്നു പാറക്കഷണം വീണ് അന്യസംസ്ഥാന തൊഴിലാളി മരിച്ചു. പശ്ചിമ ബംഗാള് സ്വദേശി സാഹിദുള് ഹഖ് (34) ആണ് മരിച്ചത്.വെഞ്ഞാറമൂട് കിഴായിക്കോണത്തു പ്രവർത്തിക്കുന്ന കരിങ്കല് ക്വാറിയിലാണ് അപകടമുണ്ടായത്. പൊട്ടിച്ച പാറ മറ്റൊരു ഭാഗത്തേക്ക് മാറ്റുന്നതിനിടെയാണ് അപകടം.
പരിക്കേറ്റ തൊഴിലാളിയെ ഉടൻ തന്നെ വെഞ്ഞാറമുട് ഗോകുലം മെഡിക്കല് കോളജില് എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തില് വെഞ്ഞാറമുട് പോലീസ് കേസെടുത്ത് അന്വേഷണം ആരംഭിച്ചു.
