ഇടുക്കി: അടിമാലിയില്‍ നവകേരള സദസില്‍ പങ്കെടുക്കാന്‍ എത്തിയ ആള്‍ കുഴഞ്ഞ് വീണ് മരിച്ചു. ദേവികുളം ലാക്കാട് എസ്റ്റേറ്റ് സ്വദേശി അര്‍ജുനന്‍-മുനിയമ്മ ദമ്പതികളുടെ മകന്‍. ഗണേശന്‍ (46) ആണ് മരിച്ചത്. ഇദ്ദേഹത്തിന് മുന്‍പ് ചുഴലിരോഗം ഉള്ളതായി പൊലീസ് പറഞ്ഞു. നവകേരള സദസ്സിന്റെ പ്രവേശന കവാടത്തില്‍ എത്തിയപ്പോഴായിരുന്നു ഗണേശന്‍ കുഴഞ്ഞ് വീണത്. ഉടന്‍ അടിമാലി താലൂക്കാശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.മൃതദേഹം അടിമാലി താലൂക്കാശുപത്രി മോര്‍ച്ചറിയില്‍.
