തൃശൂര്: കൊടുങ്ങല്ലൂരില് യുവാവിന് നേരെ അതിക്രൂരമായ ആക്രമണം. ആലപ്പുഴ തുറവൂര് സ്വദേശിയായ സുദര്ശനനാണ് ഗുരുതരമായി പരിക്കേറ്റ് തൃശൂര് മെഡിക്കല് കോളേജില് ചികിത്സയില് കഴിയുന്നത്. പരിക്കേറ്റ നിലയില് കൊടുങ്ങല്ലൂരിലാണ് ഇയാളെ കണ്ടെത്തിയത്. സുദര്ശനന്റെ ജനനേന്ദ്രിയം മുറിച്ചതായും കണ്ണിന്റെ കാഴ്ച നഷ്ടപ്പെടുത്തിയതായും പരിശോധനയില് കണ്ടെത്തി.
ആക്രമണത്തില് ഒരു കണ്ണിന്റെ കാഴ്ച നഷ്ടപ്പെട്ടിട്ടുണ്ട്. ജനനേന്ദ്രിയത്തില് അണുബാധയുണ്ടായതിനാല് ശസ്ത്രക്രിയയിലൂടെ ഇത് നീക്കം ചെയ്തിട്ടുണ്ട്. പൊലീസാണ് യുവാവിനെ തിരിച്ചറിഞ്ഞ് ബന്ധുക്കളെ വിവരം അറിയിച്ചത്. ചേർത്തല മുനീർ വധക്കേസിലെ പ്രതിയാണ് സുദർശൻ. സ്വത്ത് തര്ക്കവുമായി ബന്ധപ്പെട്ടാണ് കൊലപാതകം നടന്നത്. കേസില് സുദര്ശന്റെ സഹോദരനും പ്രതിയാണ്.
