കൊച്ചി: പാലാരിവട്ടം പാലം അഴിമതിക്കേസില് വിജിലന്സിന്റെ നിര്ണായക നീക്കം. മുന് മന്ത്രി ഇബ്രാഹിം കുഞ്ഞിനെതിരെ അന്വേണത്തിന് വിജിലന്സ് സര്ക്കാരിന്റെ അനുമതി തേടി. മന്ത്രി എന്ന നിലയിലുള്ള പങ്ക് അന്വേഷിക്കാനാണ് അനുമതി തേടിയത്. കരാറുകാരന് ചട്ടം ലംഘിച്ച് വായ്പ അനുവദിക്കാന് ആവശ്യപ്പെട്ടതിന് പിന്നില് മുന് മന്ത്രി ഇബ്രാഹിംകുഞ്ഞിന് ഗൂഢ ലക്ഷ്യമുണ്ടായിരുന്നുവെന്ന് നേരത്തെ വിജിലന്സ് സത്യവാങ്മൂലം നല്കിയിരുന്നു. ഇത് സംബന്ധിച്ച കാര്യങ്ങളില് കൂടുതല് അന്വേഷണം നടത്തുന്നതിന്റെ ഭാഗമായാണ് ചോദ്യം ചെയ്യല്. ചട്ടം ലഘിച്ച് കരാറുകാരന് വായ്പ അനുവദിച്ച് ഉത്തരവിട്ടതിനാണ് പൊതുമരാമത്ത് വകുപ്പ് മുന് സെക്രട്ടറി ടി ഒ സൂരജിനെ അറസ്റ്റ് ചെയ്തത്. വായ്പ നല്കാന് നിര്ദ്ദേശിച്ചത് അന്ന് മന്ത്രിയായിരുന്ന വി കെ ഇബ്രാഹിം കുഞ്ഞാണ്.
