പത്തനംതിട്ട: പാചക വിദഗ്ദ്ധനും നിര്‍മ്മാതാവുമായ നൗഷാദ് ഗുരുതരാവസ്ഥയില്‍. അദ്ദേഹത്തിന്റെ സുഹൃത്തും നിര്‍മാതാവും കൂടിയായ നൗഷാദ് ആലത്തൂരാണ് ഇക്കാര്യം ഫേസ്ബുക്കിലൂടെ അറിയിച്ചത്. തിരുവല്ലയിലെ സ്വകാര്യ ആശുപത്രിയില്‍ കഴിയുന്ന നൗഷാദിന് വേണ്ടി എല്ലാവരും പ്രാര്‍ത്ഥിക്കണമെന്നും നൗഷാദ് ആലത്തൂര്‍ ഫേസ്ബുക് പോസ്റ്റില്‍ പറയുന്നു.
എന്റെ പ്രിയ സുഹൃത്ത് ഷെഫ് പ്രൊഡ്യൂസര്‍ ആയ നൗഷാദിന്റെ ആരോഗ്യനില വളരെ ഗുരുതരമാണ്. ഇപ്പോള്‍ തിരുവല്ല ഹോസ്പിറ്റലില്‍ വെന്റിലേറ്ററിലാണ്. അദ്ദേഹത്തിനു വേണ്ടി നമുക്കെല്ലാവര്‍ക്കും പ്രാര്‍ത്ഥിക്കാം. രണ്ടാഴ്ച മുമ്പാണ് അദ്ദേഹത്തിന്റെ ഭാര്യ നമ്മളെല്ലാം വിട്ടു പിരിഞ്ഞു പോയത്. ഒരു മകള്‍ മാത്രമാണ് ഇവര്‍ക്കുള്ളതെന്നും നൗഷാദ് ആലത്തൂര്‍ പറയുന്നു.
ടെലിവിഷന്‍ കുക്കറി ഷോകളിലൂടെ ശ്രദ്ധേയനായ നൗഷാദ് ഒരുപിടി സിനിമകള്‍ നിര്‍മ്മിക്കുകയും ചെയ്തിട്ടുണ്ട്. കാഴ്ച, ചട്ടമ്പിനാട്, ബെസ്റ്റ് ആക്ടര്‍, ലയണ്‍, പയ്യന്‍സ്, സ്പാനിഷ് മസാല തുടങ്ങിയ ചിത്രങ്ങളാണ് നൗഷാദ് നിര്‍മ്മിച്ചിരിക്കുന്നത്.
