മഞ്ജു വാര്യരും സണ്ണി വെയിനും കേന്ദ്ര കഥാപാത്രങ്ങളായി എത്തിയ ചതുമുര്ഖം തിയേറ്റര് പ്രദര്ശനം നിര്ത്തി. ചിത്രത്തിന്റെ നിര്മ്മാതാക്കളില് ഒരാള് കൂടിയായ മഞ്ജു വാര്യരാണ് ഫേസ്ബുക്ക് പോസ്റ്റിലൂടെ ഇക്കാര്യം അറിയിച്ചത്. രോഗ വ്യാപനം നിയന്ത്രണ വിധേയവും പൊതുയിടങ്ങള് സുരക്ഷിതവുമാകുന്ന സാഹചര്യത്തില് ചതുര്മുഖം വീണ്ടുമെത്തുമെന്നും അവര് പറഞ്ഞു.
ഫേസ്ബുക്ക് കുറിപ്പ്:
പ്രിയപ്പെട്ടവരേ,
ചതുര്മുഖം റിലീസ് ആയ അന്ന് മുതല് നിങ്ങള് തന്ന സ്നേഹത്തിന് നന്ദി. ഞങ്ങളുടെ പ്രതീക്ഷകള്ക്കും മുകളിലായിരുന്നു കുടുംബപ്രേക്ഷകരില് നിന്നും ലഭിച്ച സ്വീകരണം. റിലീസ് ചെയ്ത് ഭൂരിഭാഗം തിയറ്ററുകളിലും ചതുര്മുഖം നിറഞ്ഞ സദസ്സില് പ്രദര്ശിപ്പിച്ചു കൊണ്ടിരിക്കെയാണ് നമ്മുടെ നാട്ടില് കോവിഡിനെതിരെയുള്ള ജാഗ്രത ശക്തമാക്കേണ്ട ആവശ്യം ഉണ്ടായിരിക്കുന്നത്. അതു കൊണ്ട് കുറച്ച് വിഷമത്തോടെയാണെങ്കിലും ചതുര്മുഖം കേരളത്തിലെ തിയറ്ററുകളില് നിന്ന് താല്ക്കാലികമായി പിന്വലിക്കാന് ഞങ്ങള് നിര്ബന്ധിതരായിരിക്കുകയാണ്. രോഗവ്യാപനം നിയന്ത്രണവിധേയവും പൊതുഇടങ്ങള് സുരക്ഷിതവുമാവുന്ന സാഹചര്യത്തില് ചതുര്മുഖം നിങ്ങളിലേക്ക് തിരിച്ചു കൊണ്ടു വരുന്നതായിരിക്കും.
സര്ക്കാര് നിഷ്ക്കര്ഷിച്ചിരിക്കുന്ന മാനദണ്ഡങ്ങള് പാലിക്കുക, സുരക്ഷിതരായിരിക്കുക.
സ്നേഹത്തോടെ
നിങ്ങളുടെ സ്വന്തം
മഞ്ജുവാര്യര്.
https://www.facebook.com/theManjuWarrier/posts/322695729212932
