തിയേറ്റര്‍ ഉടമകള്‍ നേരിടുന്ന പ്രശ്‌നങ്ങള്‍ക്ക് പരിഹാരം കണ്ടെത്തിയില്ലെങ്കില്‍ ഫെബ്രുവരി 22 മുതല്‍ മലയാള സിനിമകള്‍ പ്രദര്‍ശിപ്പിക്കില്ല എന്ന് ഫിയോക് ഓ.ടി.ടി റിലീസ്, സിനിമ എഗ്രിമെന്റ് ഉള്‍പ്പെടെയുള്ള കാര്യങ്ങളില്‍ നിര്‍മാതാക്കള്‍ പരിഹാരം കാണണം എന്നാണ് ആവശ്യം. അടുത്ത ആഴ്ച റിലീസിനൊരുങ്ങുന്ന ചിത്രങ്ങള്‍ പ്രദര്‍ശിപ്പിക്കില്ല എന്നും താക്കീതുണ്ട്.
40 ദിവസത്തിന് ശേഷം മാത്രമേ ഓ.ടി.ടി റീലീസ് അനുവദിക്കാവൂ എന്ന കരാര്‍ ലംഘിക്കുന്നു എന്നും, ഈ പ്രശ്ങ്ങളില്‍ പരിഹാരം കണ്ടില്ലെങ്കില്‍ 22 മുതല്‍ മലയാളം സിനിമകള്‍ തിയറ്ററുകളില്‍ പ്രദര്‍ശിപ്പിക്കില്ലെന്നും ഫിയോക് മുന്നറിയിപ്പ് നല്‍കി. ഒ.ടി.ടിയുടെ വരവോടെ തിയേറ്റര്‍ മേഖല കനത്ത പ്രതിസന്ധി നേരിടുന്ന സാഹചര്യമാണ്. ഒരു മാസം തികയും മുന്‍പേ സിനിമകള്‍ ഒ.ടി.ടിയിലേക്ക് പോകുന്നു എന്നും ഫിയോകിനു പരാതിയുണ്ട്.
