ബാഡ്മിന്റന് താരം സൈന നെഹ്വാളിനെതിരായ വിവാദ ട്വീറ്റില് മാപ്പ് പറഞ്ഞ് തമിഴ് നടന് സിദ്ധാര്ഥ്. ട്വിറ്ററിലൂടെയാണ് സിദ്ധാര്ഥ് ക്ഷമ ചോദിച്ചുള്ള കുറിപ്പ് പങ്കുവെച്ചത്.
”പ്രിയപ്പെട്ട സൈന കുറച്ച് ദിവസങ്ങള്ക്ക് മുമ്പ് നിങ്ങളുടെ ട്വീറ്റിന് മറുപടിയായി ഞാനെഴുതിയ പരുഷമായ തമാശക്ക് ഞാന് നിങ്ങളോട് ക്ഷമ ചോദിക്കാന് ആഗ്രഹിക്കുന്നു. പല കാര്യങ്ങളിലും നിങ്ങളോട് എനിക്ക് വിയോജിപ്പുണ്ടാകും. പക്ഷേ നിങ്ങളുടെ ട്വീറ്റ് വായിച്ചപ്പോള് എനിക്ക് ദേഷ്യമോ നിരാശയോ തോന്നിയെങ്കിലും എന്റെ വാക്കുകളെ ന്യായീകരിക്കാന് കഴിയില്ലെന്നും അദ്ദേഹം ട്വീറ്റ് ചെയ്തു. ആളുകള് ആരോപിക്കുന്ന പോലെ ഒരു സ്ത്രീയെന്ന നിലയില് നിങ്ങളെ ആക്രമിക്കാനുള്ള ദുരുദ്ദേശങ്ങളൊന്നും ഉണ്ടായിരുന്നില്ലെന്ന് ഉറപ്പിച്ചു പറയാന് പറ്റും. ഈ ക്ഷമാപണം സ്വീകരിക്കുമെന്ന് പ്രതീക്ഷിക്കുന്നു. താങ്കള് എപ്പോഴും എന്റെ ജേതാവായിരിക്കുമെന്നും പറഞ്ഞു കൊണ്ടാണ് കത്ത് അവസാനിപ്പിക്കുന്നത്.
പ്രധാന മന്ത്രി നരേന്ദ്ര മോദിയുടെ വാഹന വ്യൂഹം തടഞ്ഞിന് പിന്നാലെ മോദിക്ക് പിന്തുണയുമായി സൈന ട്വീറ്റ് ചെയ്തിരുന്നു. സ്വന്തം പ്രധാനമന്ത്രിയുടെ സുരക്ഷിയില് വിട്ടുവീഴ്ചയുണ്ടായാല് ആ രാജ്യത്തിന് സ്വയം സുരക്ഷിതമാണെന്ന് പറയാനാകില്ല. ഇതില് ശക്തമായി അപലപിക്കുന്നു എന്നായിരുന്നു സൈന ട്വീറ്റ് ചെയ്ത്. ഈ ട്വീറ്റ് പങ്കുവെച്ചു കൊണ്ട് സിദ്ധാര്ഥ് ഉപയോഗിച്ച പരാമര്ശമാണ് വിവാദമായത്. ഇതിനെതിരെ വിവിധ കോണുകളില് നിന്ന് വന് പ്രതിഷേധമായിരുന്നു ഉയര്ന്നത്.
നടനെന്ന നിലയില് സിദ്ധാര്ഥിനെ ഇഷ്ടമായിരുന്നെന്നും ഈ പരാമര്ശം മോശമായി എന്നും സൈനയും പറഞ്ഞു. പ്രതിഷേധങ്ങള് കനത്തതോടെ ദേശീയ വനിത കമ്മീഷന് സ്വമേധയാ കേസ് രജിസ്റ്റര് ചെയ്യുകയും സിദ്ധാര്ഥിന്റെ അക്കൗണ്ട് ബ്ലോക്ക് ചെയ്യാനും ആവശ്യപ്പെട്ടിരുന്നു. ഇതിനെ തുടര്ന്നാണ് മാപ്പ് അപേക്ഷയുമായി സിദ്ധാര്ഥ് എത്തിയത്.