തിരുവനന്തപുരം: ഭാവഗായകന് പി ജയചന്ദ്രന് അന്തരിച്ചു.തൃശൂര് അമല ആശുപത്രിയിലാണ് അന്ത്യം. അര്ബുദ രോഗത്തെ തുടര്ന്ന് ചികിത്സയിലായിരുന്നു.
1944 മാര്ച്ച് മൂന്നിന് എറണാകുളം ജില്ലയിലെ രവിപുരത്ത് രവിവര്മ്മ കൊച്ചനിയന് തമ്പുരന്റേയും പാലിയത്ത് സുഭദ്രക്കുഞ്ഞമ്മയുടേയും അഞ്ച് മക്കളില് മൂന്നാമത്തെ മകനായാണ് ജയചന്ദ്രന്റെ ജനനം.
മികച്ച ഗായകനുള്ള ദേശീയ, സംസ്ഥാന പുരസ്കാരങ്ങള് നേടിയിട്ടുണ്ട്. മലയാളം, തമിഴ്, കന്നഡ, തെലുങ്ക്, ഹിന്ദി തുടങ്ങിയ ഭാഷകളില് നിരവധി ഗാനങ്ങള് ആലപിച്ചിട്ടുണ്ട്.കേരള സർക്കാരിന്റെ ജെ സി ഡാനിയൽ പുരസ്കാരം, തമിഴ്നാട് സർക്കാരിന്റെ കലൈമാമണി ബഹുമതി, നാലുവട്ടം തമിഴ്നാട് സംസ്ഥാന പുരസ്കാരവും ലഭിച്ചിട്ടുണ്ട്.
