മുംബൈ : ബോളിവുഡ് നടിമാരിൽ ഏറ്റവുമധികം ശ്രദ്ധ നേടിയ താരമാണ് അനുഷ്ക ശർമ്മ. ഈ അടുത്ത് ശ്രദ്ധ നേടിയ പാതാള്‍ ലോക്, ബുള്‍ബുള്‍ തുടങ്ങിയ ഷോകളുടെ നിര്‍മ്മാതാവ് കൂടിയാണ് അനുഷ്ക. ഇന്ന് അനുഷ്ക ബോളിവുഡിലെ മുന്‍നിര താരമാണെങ്കിലും തുടക്കകാലം പലരുടെയും പോലെ സംഘര്‍ഷങ്ങള്‍ നിറഞ്ഞതായിരുന്നുവെന്നും പലപ്പോഴും അവസരങ്ങള്‍ നഷ്ടമാവുകയും ഒഴുവാക്കൽ നേരിടേണ്ടി വന്നിട്ടുണ്ടെന്നും നടി പറഞ്ഞു. തനിക്ക് സൗന്ദര്യമില്ലെന്നും പറഞ്ഞ് പല ഷോകളില്‍ നിന്നും പരസ്യ ചിത്രങ്ങളില്‍ നിന്നും മാറ്റിയിട്ടുണ്ടെന്ന് നടി പറയുന്നു.
തൻ്റെ ലുക്കിൻ്റെ പേരിലായിരുന്നു പലരും അവസരങ്ങളിൽ നിന്നും തന്നോട് നോ പറഞ്ഞിരുന്നതെന്നും അത് തന്നെ മാനസികാമായി തളര്‍ത്തിയിരുന്നുവെന്നും അനുഷ്ക പറഞ്ഞു. എന്നല്‍ എല്ലാ വെല്ലുവിളിയെയും നേരിടുകയും അതിജീവിക്കുകയും ചെയ്തുകൊണ്ടാണ് താൻ ഇന്നത്തെ താരപദവിയിലേക്ക് എത്തിയതെന്ന് തരാം പറയുന്നു.
അനുഷ്ക ശർമയുടെ വാക്കുകൾ:
”എൻ്റെ പതിനഞ്ചാം വയസ് മുതല്‍ ഞാന്‍ റിജക്ഷനുകള്‍ നേരിടുന്നുണ്ട്. അതേക്കുറിച്ച് ഞാന്‍ പറയാതിരിക്കുന്നത് അതുകൊണ്ട് കാര്യമില്ല എന്നതു കൊണ്ടാണ്. ഷോകളില്‍ നിന്നും ഒഴിവാക്കപ്പെടുമായിരുന്നു. പരസ്യങ്ങളില്‍ അവസാന നിമിഷം ആളെ മാറ്റുമായിരുന്നു. എല്ലാം എനിക്കും സംഭവിച്ചിട്ടുണ്ട്. അത് ഈ മേഖലയുടേ സ്വഭാവമാണ്. പക്ഷെ 15-ാം വയസില്‍ ഉണ്ടാകുന്ന അത്തരം അനുഭവങ്ങളും, രൂപത്തിൻ്റെ പേരിലുള്ള ജഡ്ജുമെന്റുകളുമെല്ലാം മനസികമായി തളര്‍ത്തുന്നതായിരിക്കും. ഞാനതിനെ നേരിടാന്‍ പഠിക്കുകയായിരുന്നു”. അനുഷ്ക പറയുന്നു.
