മുംബൈ: പ്രായപൂർത്തിയാകാത്ത പെൺകുട്ടിയെ ബലാത്സംഗ ചെയ്ത കേസില്‍ പ്രമുഖ ഹിന്ദി സീരിയല്‍ താരം അറസ്റ്റിൽ. സീരിയൽ നടൻ പേള്‍ വി പുരിയാണ് അറസ്റ്റില്‍ ആയത്. ജനപ്രിയ സീരിയൽ ആയ നാഗിന്‍ 3 എന്ന സീരിയലിലെ താരമാണ് ഇയാൾ. ശനിയാഴ്ചയാണ് ഇയാളെ മുംബൈയില്‍ വച്ച്‌ പോലീസ് അറസ്റ്റ് ചെയ്തത്.
പെണ്‍കുട്ടിയുടെ പിതാവാണ് 31 കാരനായ നടനെതിരെ പൊലീസില്‍ പരാതി നല്‍കിയത്. ഇതിനെ തുടര്‍ന്നാണ് നടനെ മുംബൈ പൊലീസ് അറസ്റ്റ് ചെയ്തത്. ഇപ്പോൾ ഇയാളെ പൊലീസ് കസ്റ്റഡിയില്‍ വിട്ടിരിക്കുകയാണ്.
സംഭവത്തില്‍ പേള്‍ വി പുരി നിരപരാധിയാണെന്ന വാദവുമായി പേളിന്റെ ടിവി സീരിയല്‍ രംഗത്തെ സഹപ്രവര്‍ത്തകര്‍ രംഗത്ത് എത്തിയിട്ടുണ്ട്. നിര്‍മ്മാതാവ് എക്താ കപൂറും താരത്തെ പിന്തുണച്ച്‌ രംഗത്തെത്തിയത്. സീരിയൽ മലയാളത്തിലും പരിഭാഷയിൽ സംപ്രേഷണം ചെയ്തിരുന്നു.
