ആലപ്പുഴ: അന്തര്ദേശീയ തലത്തില് പ്രവര്ത്തിക്കുന്ന ഗ്ലോബല് എക്കണോമിക് പ്രോഗ്രസ് & റിസര്ച്ച് അസോസിയേഷന് 2023 ല് ഏര്പ്പെടുത്തിയ മികച്ച പൊതുപ്രവര്ത്തകനുള്ള മദര് തെരേസ ഗോള്ഡന് മെഡല് അവാര്ഡ് നേടിയ അഡ്വ. അനില് ബോസിന് തിങ്കളാഴ്ച ആലപ്പുഴ ടൗണ് ഹാളില് സ്വീകരണം നല്കും. സമ്മേളനം ഡോ.എം.പി.അബ്ദുസ്സമദ് സമദാനി എം.പി ഉദ്ഘാടനം ചെയ്യും. എംഎല്എ മാരായ സി ആര് മഹേഷ്, പി. പി ചിത്തരഞ്ജന് തുടങ്ങിയവര് മുഖ്യ പ്രഭാക്ഷണം നടത്തും.
ലാല് വര്ഗീസ് കല്പ്പകവാടി(കര്ഷക പ്രതിനിധി ), ആലപ്പുഴ പ്രസ് ക്ലബ് പ്രസിഡണ്ട് സജിത്ത്, ആലപ്പുഴ ബാര് അസോസിയേഷന് പ്രസിഡന്റ് അഡ്വക്കേറ്റ് മുരുകന് തുടങ്ങിയവര് പ്രസംഗിക്കും. ആലപ്പുഴ സായികേന്ദ്രം, മെഴ്സിരവി ഫോറം ,കുട്ടനാട് പൈതൃക കേന്ദ്രം, കേരള കയാക്കിങ് ആന്ഡ് അസോസിയേഷന്, സുഹൃത്ത് വേദി എന്നിവര് ചേര്ന്ന് രൂപീകരിച്ച സ്വാഗത സംഘത്തിന്റെ നേതൃത്വത്തിലാണ് സ്വീകരണ പരിപാടി സംഘടിപ്പിച്ചിട്ടുള്ളതെന്ന് സ്വാഗതസംഘം ചെയര്മാന് ഫാദര്. റക്സ് ജോസഫ് ജനറല് കണ്വീനര് പ്രേംജിത്ത് ലാല് എന്നിവര് അറിയിച്ചു