തിരുവനന്തപുരം : എല്ലാ സെന്ട്രല് ജയിലുകളിലും പ്രാഥമികാരോഗ്യ കേന്ദ്രങ്ങളില് ലഭിക്കുന്ന ചികിത്സാസൗകര്യം ഉറപ്പാക്കണമെന്ന് മുഖ്യമന്ത്രി പിണറായി വിജയന് പറഞ്ഞു. ജയിലുകളിൽ താമസിക്കുന്ന തടവുകാരുടെ ചികിത്സ ഉറപ്പാക്കുന്നത് സംബന്ധിച്ച് യോഗത്തില് സംസാരിക്കുകയായിരുന്നു മുഖ്യമന്ത്രി.
ജയിലുകളിൽ ചുരുങ്ങിയത് രണ്ട് ഡോക്ടര്മാരെയെങ്കിലും നിയോഗിക്കുമെന്നും ആവശ്യമെങ്കില് അധിക തസ്തികകൾ നിയമിക്കുമെന്നും എല്ലാ ജയിലുകളിലും ടെലിമെഡിസിന് സൗകര്യം ഏര്പ്പെടുത്തുമെന്നും മെഡിക്കല്കോളേജ് ആശുപത്രികളില് തടവുകാര്ക്ക് പ്രത്യേക ചികിത്സാസംവിധാനം ഒരുക്കുമെന്നും അദ്ദേഹം പറഞ്ഞു.
ചീഫ് സെക്രട്ടറി ഡോ. വി.പി. ജോയ്, ആഭ്യന്തര അഡീഷണല് ചീഫ് സെക്രട്ടറി ടി.കെ. ജോസ്, ആരോഗ്യവകുപ്പ് പ്രിന്സിപ്പല് സെക്രട്ടറി രാജന് ഖോബ്രഗഡെ, ജയില് മേധാവി ഋഷിരാജ് സിംഗ് തുടങ്ങിയവര് യോഗത്തില് പങ്കെടുത്തു.
