റേഷന് കാര്ഡില്ലാത്ത ട്രാന്സ്ജെന്ഡേഴ്സിന് ഓണത്തിന് സൗജന്യ ഭക്ഷ്യക്കിറ്റ് നല്കാന് സര്ക്കാര് തീരുമാനം. ഭക്ഷ്യമന്ത്രി ജി.ആര് അനില് നിയമസഭയിലാണ് ഇക്കാര്യമറിയിച്ചത്. റേഷന് കാര്ഡില്ലാത്ത ട്രാന്സ്ജെന്ഡേഴ്സിന് കാര്ഡ് നല്കുന്ന കാര്യം പരിഗണനയിലാണെന്നും മന്ത്രി പറഞ്ഞു.
അതേസമയം, നടന് മണിയന്പിള്ള രാജുവിന് ഓണക്കിറ്റ് നല്കിയത് വിവാദമാക്കേണ്ടതില്ലെന്നും ഭക്ഷ്യമന്ത്രി നിയമസഭയില് പറഞ്ഞു. നടന് മണിയന്പിള്ള രാജുവിന്റെ വീട്ടില് ഓണക്കിറ്റ് നേരിട്ടെത്തിച്ചതിന് ഭക്ഷ്യമന്ത്രിയെ വിമര്ശിച്ച് പ്രതിപക്ഷം രംഗത്തെത്തിയിരുന്നു. സപ്ലൈക്കോയുമായുള്ള മണിയന്പിള്ള രാജുവിന്റെ സഹകരണത്തിന് നന്ദി അറിയിച്ചാണ് കിറ്റ് വീട്ടിലെത്തിച്ചത്, പൊതുവിതരണ സംവിധാനത്തെ പിന്തുണയ്ക്കുന്നയാളാണ് അദ്ദേഹമെന്നും മന്ത്രി പറഞ്ഞു.
ഭക്ഷ്യക്കിറ്റ് വിതരണത്തെക്കുറിച്ച് നല്ലത് പറഞ്ഞ മണിയന്പിള്ള രാജുവിനെ കളിയാക്കുകയാണ് പ്രതിപക്ഷം ചെയ്തത്. മണിയന്പിള്ള രാജുവിന് കിറ്റ് നല്കിയത് അപരാധം എന്ന രീതിയില് ചിത്രീകരിക്കാന് പ്രതിപക്ഷം ശ്രമിച്ചുവെന്നും മന്ത്രി ചൂണ്ടികാട്ടി.
