മൂവാറ്റുപുഴ: ബൈക്കും കാറും കൂട്ടിയിടിച്ച് ബൈക്ക് യാത്രക്കാരനായ സ്വര്‍ണ്ണ തൊഴിലാളി മരിച്ചു. ആനിക്കാട് ചിറപ്പടി ഇലവന്തിക്കല്‍ നാരായണന്‍ സുലോചന ദമ്പതികളുടെ മകന്‍ സതീഷ് നാരായണന്‍ (36)ആണ് മരിച്ചത്.
വീട്ടില്‍നിന്ന് ഉച്ചയൂണ് കഴിഞ്ഞ് മടങ്ങുംവഴി വെള്ളിയാഴ്ച ഉച്ചക്കഴിഞ്ഞ് 3.30ഓടെ എതിരെവന്ന കാര്‍ അടൂപറമ്പ്റൂട്ടില്‍ കാട്ടുകണ്ടം ഭാഗത്ത് ബൈക്കിലിടിക്കുകയായിരുന്നു. റോഡില്‍ തെറിച്ച വീണ സതീഷിനെ ഓടിക്കൂടിയ നാട്ടുകാര്‍ ഉടന്‍ നിര്‍മ്മല ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കണ്ണൂര്‍ സ്വദേശികള്‍ സഞ്ചരിച്ച കാര്‍ തൊടുപുഴ ഭാഗത്തേക്കുള്ള ബൈപ്പാസ് റോഡിലൂടെ പോകുമ്പോഴായിരുന്നു അപകടം. മൃതദേഹം മോര്‍ച്ചറിയിലേക്ക് മാറ്റി.
മര്‍ച്ചന്റ്സ് അസോസിയേഷന്‍ വനിതാവിംഗ് ട്രഷററാണ് അമ്മ സുലോചന. സഹോദരങ്ങള്‍: ബിജു നാരായണന്‍ (എയര്‍ഫോഴ്സ്, കോയമ്പത്തൂര്‍), ഗിരിജ രാജന്‍, ഗീത മുരളി, അജിത സുഭാഷ്, ബീന മനോജ്, സീന വേണു. സംസ്‌കാരം ശനിയാഴ്ച നടക്കും.
