.മൂവാറ്റുപുഴ: വാഹന അപകടത്തിൽ ചികിത്സയിലായിരുന്ന കോതമംഗലം ഇന്ദിരാഗാന്ധി ഇൻസ്റ്റിറ്റ്യൂട്ട് ഓഫ് ഡെന്റൽ സയൻസിന്റെ പ്രിൻസിപ്പൽ
എറണാകുളം മരട് കൊട്ടാരത്തിൽ ഡോ.ജോസ് ജൂലിയൻ (56) അന്തരിച്ചു.
2021 സെപ്തംബർ 30 ന് രാവിലെ മരടിലാണ് അപകടം. പുലർച്ചെ സൈക്കിൾ സവാരിയ്ക്കിടെ ബൈക്കിടിച്ച് പരിക്കേറ്റതിനെ തുടർന്ന് വിവിധ ആശുപത്രികളിൽ ചികിത്സയിലായിരുന്നു. ചൊവ്വ മരട് സ്വകാര്യ ആശുപത്രിയിലാണ് മരിച്ചത്.
വൈറ്റില നിഖിൽ ഡെന്റൽ ക്ലിനിക് ഉടമയും. ഇന്ത്യൻ ഡന്റൽ അസോസിയേഷൻ (ഐഡിഎ) കൊച്ചി ചാപ്റ്റർ പ്രസിഡന്റ്. ഇന്ത്യൻ പ്രോസ്തോഡോന്റിക് സൊസൈറ്റി കേരളാ എക്സിക്യൂട്ടീവ് കമ്മിറ്റി അംഗം, കോതമംഗലം മാർ ബസേലിയോസ് കോളേജ് പ്രൊഫസർ, വകുപ്പു മേധാവി എന്നീ നിലകളിൽ പ്രവർത്തിച്ചിട്ടുണ്ട്.
സംസ്കാര ശുശ്രൂഷ ബുധൻ രാവിലെ 11ന് കോതമംഗലം പുതുപ്പാടി കൊട്ടാരത്തിൽ വീട്ടിൽ. സംസ്കാരം 12 ന് മൂവാറ്റുപുഴ സെന്റ് തോമസ് കത്തീഡ്രൽ (അരമന പള്ളി) സെമിത്തേരിയിൽ. കോതമംഗലം, പുതുപ്പാടി, കൊട്ടാരത്തിൽ എം.ഡി. ജോസിന്റെയും സാറാമ്മയുടെയും മകനാണ്. സഹോദരി: ജനി സേവിയർ (ഇഞ്ചക്കപ്പറമ്പിൽ, മൂവാറ്റുപുഴ) ഭാര്യ: ഐമുറി കാഞ്ഞിരത്തിങ്കൽ കുടുംബാംഗം നീബ, മക്കൾ: ഡോ.നിഖിൽ (എംഡിഎസ് വിദ്യാർത്ഥി, മംഗലാപുരം). നമിത, (അനലിസ്റ്റ്, ഡോയിഷെ ബാങ്ക് ബംഗളൂരു).