യുഎഇ സ്വര്ണക്കടത്ത് കേസിലെ പ്രതികള്ക്കെതിരെ എന്.ഐ.എ യു.എ.പി.എ ചുമത്തി. യു.എ.പി.എ 16, 17, 18 വകുപ്പുകള് ചുമത്തിയതായി എന്.ഐ.എ ഹൈക്കോടതിയില് അറിയിച്ചു. തീവ്രവാദ ബന്ധവും സാമ്പത്തിക ഇടപാടുകളും അന്വേഷിക്കുമെന്ന് എന്.ഐ.എ പറഞ്ഞു. സന്ദീപിനും സരിത്തിനും സ്വപ്നക്കും കുറ്റകൃത്യത്തില് പങ്കുണ്ടെന്നും എന്.ഐ.എ പറഞ്ഞു. സംസ്ഥാനത്തിന് പുറമേ ദേശീയ അന്തര്ദേശീയ തലത്തില് ആര്ക്കൊക്കെ പങ്കുണ്ട്, ഭീകരവാദ പ്രവര്ത്തനങ്ങള്ക്ക് പണം ഉപയോഗിക്കുന്നുണ്ടോ എന്നീ കാര്യങ്ങളാകും എന്ഐഎ അന്വേഷണ പരിധിയില് വരിക. 2018ലും 2019 ലും സംസ്ഥാന സര്ക്കാര് സംഘടിപ്പിച്ച പരിപാടികളിലെ സ്വപ്നയുടെയും സരിത്തിന്റെയും സാന്നിധ്യമാണ് നിലവില് കസ്റ്റംസ് പരിശോധിക്കുന്നത്.
