സാമ്പത്തിക സംവരണ ബില്ലില് രാഷ്ട്രപതി ഒപ്പു വെച്ചു. മുന്നാക്കക്കാരിലെ പിന്നാക്കക്കാര്ക്ക് 10 ശതമാനം സംവരണം നല്കുന്നതാണ് ബില്ല്. 
രാഷ്ട്രപതി രാംനാഥ് കോവിന്ദാണ് ബില്ലില് ഒപ്പ് വെച്ചത്.
ലോക്സഭയിലും രാജ്യസഭയിലും നേരത്തേ ബില് പാസായിരുന്നു. ലോക്സഭയില് പാസാക്കിയ ബില് 165 പേരുടെ പിന്തുണയോടെയാണ് രാജ്യസഭയില് പാസാക്കിയത്. ബില്ലില് രാഷ്ട്രപതി ഒപ്പു വച്ചതോടെ ചരിത്രപരമായ ഭരണഘടനാ ഭേദഗതിയാണ് നിലവില് വന്നിരിക്കുന്നത്.
രാജ്യസഭയില് മുസ്ലിം ലീഗ്, ആം ആദ്മി, ഡിഎംകെ തുടങ്ങിയ പാര്ട്ടികളില് നിന്നായി ഏഴ് പേരാണ് ബില്ലിനെ എതിര്ത്തു വോട്ട് ചെയ്തത്. അണ്ണാ ഡിഎംകെ അംഗങ്ങള് സഭ ബഹിഷ്കരിക്കുകയും ചെയ്തിരുന്നു. സാമ്ബത്തികമായി പിന്നാക്കം നില്ക്കുന്ന മുന്നാക്ക വിഭാഗത്തിലുള്ളവര്ക്ക് 10 ശതമാനം സംവരണം നല്കാന് കേന്ദ്രമന്ത്രിസഭാ യോഗത്തില് തിങ്കളാഴ്ചയാണ് തീരുമാനമുണ്ടായത്. സാധാരണ ബുധനാഴ്ച ചേരാറുള്ള കേന്ദ്രമന്ത്രിസഭായോഗം തിങ്കളാഴ്ച വിളിച്ചുചേര്ത്തായിരുന്നു പ്രധാനമന്ത്രി നരേന്ദ്രമോദി തീരുമാനം പ്രഖ്യാപിച്ചത്.
