സംസ്ഥാനത്ത് ഇന്നും ഉഷ്ണ തരംഗ മുന്നറിയിപ്പ് അറിയിപ്പ് തുടരും . പാലക്കാട്, കൊല്ലം, തൃശ്ശൂര് ജില്ലകളിലാണ് ഉയര്ന്ന താപനിലയെ തുടര്ന്ന് ഓറഞ്ച് അലര്ട്ട് നല്കിയിരിക്കുന്നത്. നിലവിലുള്ള താപനില റെഡ് അലര്ട്ടിലേക്ക് കടക്കില്ലെന്നും സൂചനയുണ്ട്. പാലക്കാട് രേഖപ്പെടുത്തിയ 41.9 ഡിഗ്രി സെല്ഷ്യസ് ആണ് ഇതുവരെ കേരളത്തിലെ ഏറ്റവും ഉയര്ന്ന താപനില. ഇന്ന് പാലക്കാട് ജില്ലയില് 41 ഡിഗ്രി സെല്ഷ്യസ് വരെയും കൊല്ലം തൃശൂര് ജില്ലകളില് 40 ഡിഗ്രി സെല്ഷ്യസ് വരെയും താപനില ഉയര്ന്നേക്കും. സൂര്യാഘാതം, സൂര്യാതപം നീര്ജലീകരണം എന്നിവ തടയാന് കനത്ത ജാഗ്രത പാലിക്കണമെന്നും നിര്ദ്ദേശമുണ്ട്.
