തിരുവനന്തപുരം: ലൈംഗിക പീഡനക്കേസിൽ കേസെടുത്തതോടെ രാഹുൽ മാങ്കൂട്ടത്തിൽ ഒളിച്ചുകളി തുടരുന്നു. എംഎൽഎ കർണാടകയിലേക്ക് കടന്നതായാണ് വിവരം. ഇന്നലെ ഉച്ചയോടെയാണ് രാഹുൽ തമിഴ്നാട്- കർണാടക അതിർത്തിയായ ബാഗലൂരിലെത്തിയത്. ഇവിടെ നിന്ന് മറ്റൊരു കാറിലാണ് കർണാടകയിലേക്ക് പോയത്. പൊലീസ് രാഹുലിന്റെ പിന്നാലെ തന്നെയുണ്ട്.
കേസിൽ പ്രതി ചേർക്കപ്പെട്ടതിന് പിന്നാലെയാണ് രാഹുൽ ആദ്യം തമിഴ്നാട്ടിലേക്കും ശേഷം കർണാടകയിലേക്കും കടന്നിരിക്കുന്നത്. അറസ്റ്റ് ഭയന്നാണ് രാഹുലിന്റെ ഒളിച്ചുകളി. നേരത്തെ ചുവന്ന പോളോ കാറിൽ തമിഴ്നാട് അതിർത്തി വരെ പോയ രാഹുൽ, അവിടെ നിന്ന് മറ്റൊരു കാറിൽ കയറുകയും ബാഗലൂരിൽ എത്തുകയുമായിരുന്നു. ഇവിടെനിന്ന് മറ്റൊരു വാഹനത്തിൽ കർണാടകയിലേക്ക് പോയതായാണ് വിവരം.
