ഇടവേളയ്ക്കുശേഷം കനത്ത മഴ വടക്കൻ കേരളത്തിൽ വൻ നാശം വിതയ്ക്കുന്നു. കോഴിക്കോട് ജില്ലയുടെ വിവിധ ഭാഗങ്ങളിൽ കനത്ത മഴയിൽ വ്യാപക നാശനഷ്ടം. നാദാപുരത്ത് ആളൊഴിഞ്ഞ കെട്ടിടം രാവിലെ ഒമ്പത് മണിയോടെയാണ് തകർന്നത്. വടകര മീത്തലങ്ങാടിയിൽ കുന്നിടിഞ്ഞതോടെ സമീപത്തെ വീടുകൾ ഭീഷണിയിലായി. മടപ്പള്ളി മാച്ചിനാരിയിൽ ദേശീയപാതയുടെ മതിൽ ഇടിഞ്ഞു. 24 മണിക്കൂറിനുള്ളിൽ ശരാശരി 66 മില്ലിമീറ്റർ മഴയാണ് ഈ മേഖലയിൽ പെയ്തത്. ഉച്ചയോടെ മഴയുടെ ശക്തി കുറഞ്ഞു.
കനത്ത മഴയിൽ വയനാട്ടിലും വൻ നാശനഷ്ടമുണ്ടായി. കനത്ത മഴയിൽ പിണങ്ങോട് റോഡ് തകർന്നു. പുഴക്കലിൽ അടാരക്കടവ് പുഴയ്ക്ക് സമീപം 25 മീറ്റർ നീളമുള്ള ഭാഗമാണ് തകർന്നത്. ഇത് സമീപത്തെ വീടുകളെ അപകടഭീഷണിയിലാക്കുന്നു. മഴയെ തുടർന്ന് വേണിക്ക് സമീപത്തെ രണ്ട് കിണറുകളും ഇടിഞ്ഞ് മുങ്ങി. ചൊവ്വാഴ്ച വരെ വയനാട്ടിൽ ആംബർ അലർട്ട് ബാധകമാണ്
