പെരുമ്പയില് പ്രവാസിയുടെ വീട്ടിൽ വൻ കവർച്ച. ഇന്നലെ നടന്ന കവര്ച്ചയില് 75 പവൻ സ്വര്ണം നഷ്ടപ്പെട്ടതായി സ്ഥിരീകരിച്ചിട്ടുണ്ട്. മറ്റെന്തെങ്കിലും പോയിട്ടുണ്ടോ എന്ന കാര്യങ്ങള് പരിശോധിച്ചുവരികയാണ്.പെരുമ്പയിലെ സി എച്ച് സുഹറയുടെ വീട്ടിലാണ് ഇന്നലെ രാത്രി മോഷണം നടന്നത്. പൊലീസും ഡോഗ് സ്ക്വാഡും സംഭവസ്ഥലത്തെത്തി പരിശോധന നടത്തി. ഇന്ന് പുലര്ച്ചെ ഉറക്കമുണര്ന്നപ്പോഴാണ് വീട്ടുകാര് വിവരമറിയുന്നത്. റഫീഖിന്റെ ഭാര്യയും മക്കളും റഫീഖിന്റെ സഹോദരിയുമാണ് വീട്ടിലുണ്ടായിരുന്നത്. അച്ഛനും അമ്മയും ചികിത്സയ്ക്കായി വീട്ടില് നിന്ന് മാറിനിന്ന സമയമായിരുന്നു.
വാതില് കമ്പിപ്പാര കൊണ്ട് കുത്തിത്തുറന്ന നിലയിലായിരുന്നു. രണ്ട് കിടപ്പുമുറികളും ഷെല്ഫും കുത്തി തുറന്ന അവസ്ഥയിലായിരുന്നു. സാധനങ്ങളെല്ലാം വാരി വലിച്ചിട്ട നിലയിലും. സ്വര്ണം അടങ്ങുന്ന കവര് താഴത്തെ നിലയില് ഒരു അലമാരയിലാണ് സൂക്ഷിച്ചിരുന്നത്. ഈ കവര് അങ്ങനെ തന്നെ എടുത്ത് വീടിന്റെ പുറത്ത് കൊണ്ടുപോയി കൊട്ടി, ആവശ്യമുള്ളത് തെരഞ്ഞെടുക്കുകയാണ് കവര്ച്ചക്കാര് ചെയ്തിട്ടുള്ളത്. സുഹറയുടെ ഭര്ത്താവ് അസുഖബാധിതനായതിനാല് ഇവര് ആശുപത്രിയില് ചികിത്സയിലായിരുന്നു. മകന്റെ ഭാര്യയും അവരുടെ മകളും മാത്രമായിരുന്നു വീട്ടില് ഉണ്ടായിരുന്നത്.
