സ്വര്ണക്കടത്ത് കേസ് പ്രതി സ്വപ്ന സുരേഷ് മുഖ്യമന്ത്രിക്കെതിരായി നടത്തിയ ആരോപണത്തില് മുഖ്യമന്ത്രിയുടെ രാജി ആവശ്യപ്പെട്ട് വിവിധ ജില്ലകളില് വ്യാപക പ്രതിഷേധം. യൂത്ത് കോണ്ഗ്രസും, യുവമോര്ച്ചയുമാണ് പ്രതിഷേധം സംഘടിപ്പിച്ചത്. പ്രതിഷേധം വന് സംഘര്ഷത്തിലേക്ക് നീങ്ങി.
കോഴിക്കോട് യൂത്ത് കോണ്ഗ്രസ് പ്രവര്ത്തകര് നടത്തിയ മാര്ച്ചില് പൊലീസ് ഒരുക്കിയ ബാരിക്കേഡുകള് വലിച്ച് റോഡിലേക്കിട്ടതിനെ തുടര്ന്ന് പൊലീസ് ജലപീങ്കി പ്രയോഗിച്ചു. പ്രവര്ത്തകരും പൊലീസും തമ്മിലുണ്ടായ സംഘര്ഷത്തില് രണ്ട് വനിത പൊലീസ് ഉദ്യോഗസ്ഥര്ക്ക് പരിക്കേറ്റു.
കോട്ടയം കളക്ട്രേറ്റിലേക്ക് യുവമോര്ച്ച പ്രവര്ത്തകര് നടത്തിയ മാര്ച്ചിലും സംഘര്ഷം. പ്രതിഷേധക്കാര് ബാരിക്കേട് മറികടക്കാന് ശ്രമിച്ചതിനെതുടര്ന്ന് പൊലീസ് ജലപീരങ്കി പ്രയോഗിച്ചു. തിരുവനന്തപുരത്ത് മഹിളാ കോണ്ഗ്രസ് പ്രവര്ത്തകര് സെക്രട്ടേറിയറ്റിന് മുന്നില് ബിരിയാണി ചലഞ്ച് നടത്തി പ്രതിഷേധിച്ചു.
കൊച്ചിയില് യൂത്ത് കോണ്ഗ്രസ് മാര്ച്ചിനുനേരെ പൊലീസ് ജലപീരങ്കി പ്രയോഗിച്ചു. കൊല്ലത്തും യൂത്ത് കോണ്ഗ്രസ് നടത്തിയ കലക്ടറേറ്റ് മാര്ച്ചില് സംഘര്ഷമുണ്ടായി. തൃശൂരില് യുവമോര്ച്ച പ്രവര്ത്തകര് ബാരിക്കേഡ് മറികടക്കാന് ശ്രമിച്ചതോടെ പൊലീസ് ലാത്തിവീശി. മലപ്പുറത്തും കലക്ട്രേറ്റിലേക്ക് യൂത്ത് കോണ്ഗ്രസ് പ്രവര്ത്തകര് പ്രതിഷേധ മാര്ച്ച് നടത്തി.
