എറണാകുളം കിഴക്കമ്പലത്ത് കിറ്റക്സിലെ തൊഴിലാളികള്‍ പൊലീസിനെ ആക്രമിച്ച സംഭവത്തില്‍ 10 പേര്‍ കൂടി പിടിയില്‍. സംഭവ സ്ഥലത്തെ സിസിടിവി ദൃശ്യങ്ങളും അതിഥി തൊഴിലാളികളുടെ ഫോണിലെ ദൃശ്യങ്ങളും പരിശോധിച്ചാണ് നടപടി. ഇതോടെ കേസില്‍ അറസ്റ്റിലായവരുടെ എണ്ണം 174 ആയി.
പെരുമ്പാവൂര്‍ എഎസ്പി അനൂജ് പലിവാലിന്റെ നേതൃത്വത്തില്‍ രണ്ട് ഇന്‍സ്പക്ടര്‍മാരും ഏഴു സബ് ഇന്‍സ്പക്ടര്‍മാരുടമടങ്ങിയ 19 അംഗ സംഘമാണ് കേസ് അന്വേഷിക്കുന്നത്.
അക്രമത്തിന്റെ ദൃശ്യങ്ങള്‍ പരിശോധിച്ച ശേഷം കൂടുതല്‍ അറസ്റ്റ് ഉണ്ടാകുമെന്ന് അന്വേഷണ സംഘം വ്യക്തമാക്കിയിരുന്നു.
