ദില്ലി: യുഎസ് ഉപരോധ ഭീഷണിയെത്തുടര്ന്ന് ഇറാനില്നിന്ന് എണ്ണ ഇറക്കുമതി ചെയ്യുന്നത് ഇന്ത്യ നിര്ത്തലാക്കി. മേയ് ആദ്യത്തോടെ ഇറാനില്നിന്ന് ഇന്ത്യ എണ്ണ ഇറക്കുമതി ചെയ്യില്ലെന്ന് ഉന്നത വൃത്തങ്ങള് അറിയിച്ചു. ഇറാനില്നിന്ന് ഇറക്കുമതി ചെയ്യുന്ന എണ്ണയ്ക്ക് പകരമായി സൗദി, കുവൈറ്റ്, യുഎഇ, മെക്സിക്കോ തുടങ്ങിയ രാജ്യങ്ങളില്നിന്ന് ഇറക്കുമതി ചെയ്യാനാണ് ഇന്ത്യയുടെ പദ്ധതി.
ഇറാനില്നിന്ന് എണ്ണ ഇറക്കുമതി ചെയ്യുന്ന രാജ്യങ്ങള്ക്ക് നീട്ടി നല്കിയ ഇളവ് ഒഴിവാക്കാന് യുഎസ് കഴിഞ്ഞ ദിവസം തീരുമാനിച്ചിരുന്നു. ചൈന, ജപ്പാന്, ദക്ഷിണകൊറിയ, തായ്വാന്, തുര്ക്കി, ഇറ്റലി, ഗ്രീസ് തുടങ്ങിയ രാജ്യങ്ങളാണ് ഇറാനില്നിന്ന് എണ്ണ വാങ്ങുന്നത്.
