വാഴ്സോ: ജീവകാരുണ്യ പരിപാടിക്കിടെ പോളിഷ് മേയറെ അക്രമി കുത്തിവീഴ്ത്തി. പോളിഷ് നഗരമായ ഡാന്സ്കിലെ മേയര് പവല് അഡമോവിസിനാണ് കുത്തേറ്റത്. പരിപാടി നടക്കുന്ന സ്റ്റേജിലേക്ക് അതിക്രമിച്ച് കയറിയ 27 വയസുകാരന് മേയറെ കുത്തിപ്പരിക്കേല്പ്പിക്കുകയായിരുന്നു. 
ഗുരുതരമായി പരിക്കേറ്റ അഡമോവിസിനെ ആശുപത്രിയില് പ്രവേശിപ്പിച്ചു.
കുട്ടികളുടെ ചികിത്സയ്ക്ക് വേണ്ടി പണം കണ്ടെത്തുന്നതിന് സംഘടിപ്പിച്ച സംഗീതപരിപാടിക്കിടെയാണ് ദാരുണമായ സംഭവം. വ്യാജ മീഡിയ പാസില് സ്റ്റേജില് പ്രവേശിപ്പിച്ച യുവാവ് മേയര് കുത്തിവീഴ്ത്തുകയായിരുന്നു. പരിപാടി കാണാനെത്തിയ ആയിരക്കണക്കിന് ആളുകള്ക്ക് മുന്‍പിലേക്കാണ് മേയര് കുത്തേറ്റു വീണത്.
സംഭവത്തില് യുവാവിനെ പോലീസ് അറസ്റ്റ് ചെയ്തു. മുന് ഭരണകൂടം തന്നെ അന്യായമായ തടവിലാക്കി എന്നാക്രോശിച്ച് കൊണ്ടായിരുന്നു യുവാവ് കൃത്യം നടത്തിയതെന്ന് പോലീസ് പറഞ്ഞു. മേയറുടെ മുന് പാര്ട്ടിയായ സിവിക് പ്ലാറ്റ്ഫോമാണ് കഴിഞ്ഞതവണ ഭരണം നടത്തിയത്.
