ഡെൽഹി : ദക്ഷിണാഫ്രിക്കന്‍ പര്യടനത്തിനുള്ള ഇന്ത്യന്‍ ടീമിനെ പ്രഖ്യാപിച്ചു. ഏകദിന, ടെസ്റ്റ്, ടി-20 മത്സരങ്ങള്‍ക്കുള്ള ടീമിനെയാണ് ബിസിസിഐ ചീഫ് സെലക്ടര്‍ അജിത് അഗാര്‍ക്കര്‍ പ്രഖ്യാപിച്ചത്. ടി 20 ടീമിനെ സൂര്യകുമാര്‍ യാദവും ഏകദിന ടീമിനെ കെ എല്‍ രാഹുലും നയിക്കും. ടെസ്റ്റ് ടീമിന്റെ ചുമതല രോഹിത് ശര്‍മയെയാണ് ഏല്‍പ്പിച്ചിരിക്കുന്നത്. സഞ്ജു സാംസണെ ഏകദിന ടീമില്‍ ഉള്‍പ്പെടുത്തിയിട്ടുണ്ട്. ദക്ഷിണാഫ്രിക്കന്‍ പര്യടനത്തില്‍ ഇന്ത്യക്ക് മൂന്ന് ടി20, മൂന്ന് ഏകദിന, രണ്ട് ടെസ്റ്റ് മത്സരങ്ങളാണ് കളിക്കാനുള്ളത്. ടി20യിലും ഏകദിനത്തിലും കളിക്കാനില്ലെന്ന് രോഹിത് ശര്‍മ്മയും വിരാട് കോഹ്ലിയും ബോര്‍ഡിനെ അറിയിച്ചിരുന്നു.
