ജോര്ജ്ജ് ഫ്ലോയ്ഡെന്ന കറുത്ത വര്ഗ്ഗക്കാരന്റെ കൊലപാതകവുമായി ബന്ധപ്പെട്ട് അമേരിക്കയുടെ പ്രക്ഷോഭങ്ങളില് നിന്ന് രക്ഷപ്പെടാന് പ്രസിഡന്റ് ഡോണള്ഡ് ട്രംപിനെ വൈറ്റ്ഹൗസിലെ ഭൂഗര്ഭ അറയിലേക്ക് മാറ്റിയതായി റിപ്പോര്ട്ട്. ന്യൂയോര്ക്ക് ടൈംസാണ് ഇത് റിപ്പോര്ട്ട് ചെയ്തത്.
പ്രക്ഷോഭങ്ങള് വൈറ്റ്ഹൗസിന് സമീപത്തെത്തിയതോടെയാണ് സുരക്ഷ മുന് നിര്ത്തി ട്രംപിനെ ബങ്കറിലേക്ക് മാറ്റിയത്. വെള്ളിയാഴ്ച നൂറുകണക്കിന് പ്രക്ഷോഭകര് വൈറ്റ്ഹൗസിന് മുന്നിലെത്തിയതോടെയാണ് ട്രംപിനെ മാറ്റിയത്.
ഭാര്യ മലേനിയ ട്രംപ്, ബാരണ് ട്രംപ് എന്നിവരെയും ട്രംപിനൊപ്പം അണ്ടര്ഗ്രൗണ്ടിലേക്ക് മാറ്റിയെന്നാണ് സൂചന. പ്രതിഷേധം കനത്തതോടെ ഞായറാഴ്ച യുഎസിലെ 40 നഗരങ്ങളില് കര്ഫ്യൂ ഏര്പ്പെടുത്തിയിരുന്നു. പ്രതിഷേധക്കാരെ അടിച്ചമര്ത്താന് 15 സ്റ്റേറ്റുകളില് സുരക്ഷാഭടന്മാരെ സജ്ജമാക്കിയിട്ടുണ്ട്.
