ഷവോമിക്ക് (Xiaomi) റെഡ്മി ബ്രാന്ഡിംഗില് (Redmi branding) ശ്രദ്ധേയമായ ഉപകരണങ്ങളുടെ ഒരു നിര തന്നെയുണ്ട്. സ്മാര്ട്ട്ഫോണുകള് (smartphones), ഡിജിറ്റല് വാച്ചുകള്, മറ്റ് നിരവധി ഉപകരണങ്ങള് എന്നിവ ഇതില് ഉള്പ്പെടുന്നു. റെഡ്മിയുടെ സ്മാര്ട്ട് ബാന്ഡ് പ്രോ (Redmi’s Smart Band Pro) ഇന്ത്യയില് (India) ഉടന് അവതരിപ്പിക്കുമെന്നാണ് ലഭിക്കുന്ന സൂചന. കഴിഞ്ഞ മാസം ചൈനയില് (china) നടന്ന ഒരു ലോഞ്ച് ഇവന്റിനിടെ റെഡ്മി സ്മാര്ട്ട് ബാന്ഡ് പ്രോയും റെഡ്മി വാച്ച് 2 ലൈറ്റും, റെഡ്മി പുറത്തിറക്കിയിരുന്നു.
റെഡ്മി സ്മാര്ട്ട് ബാന്ഡ് പ്രോ, റെഡ്മി വാച്ച് 2, റെഡ്മി വാച്ച് 2 ലൈറ്റ് എന്നിവയുടെ ഇന്ത്യന് ബി.ഐ.എസ് സര്ട്ടിഫിക്കേഷന് കാണിക്കുന്ന സ്ക്രീന് ഷോട്ടുകള് കഴിഞ്ഞ മാസം ഓണ്ലൈനില് ലീക്കായിരുന്നു.
282-പിക്സല് ഡെന്സിറ്റി, 100 ശതമാനം NTSC കളര് ഗാമറ്റ് കവറേജ്, 8-ബിറ്റ് കളര് ഡെപ്ത്, 450 നിറ്റ് വരെ പീക്ക് തെളിച്ചം എന്നിവയും 194 × 368 പിക്സല് റെസല്യൂഷനോടുകൂടിയ 1.47 ഇഞ്ച് അമോലെഡ് ടച്ച് ഡിസ്പ്ലേയുമാണ് റെഡ്മി സ്മാര്ട്ട് ബാന്ഡ് പ്രോയുടെ സവിശേഷത. ആന്ഡ്രോയിഡ് 6.0 അല്ലെങ്കില് iOS 10.0 പ്രവര്ത്തിക്കുന്ന എല്ലാ ഹാന്ഡ്സെറ്റുകളുമായും Xiaomi Wear/Xiaomi Wear Lite എന്നീ ആപ്പുകള് ഉപയോഗിച്ചും സ്മാര്ട്ട് ബാന്ഡ് ബന്ധിപ്പിക്കാം.
ഓണ് ഡിസ്പ്ലേ ഓപ്ഷനും സ്മാര്ട്ട് ബാന്ഡിലുണ്ട്. 2.5 ഡി ടെമ്പര്ഡ് ഗ്ലാസുപയോഗിച്ചാണ് ഫിറ്റ്നസ് ട്രാക്കറിന്റെ നിര്മാണം. ആകെ ഭാരം 15 ഗ്രാമാണ്. ഔട്ട്ഡോര് റണ്ണിംഗ്, ട്രെഡ്മില്, ഔട്ട്ഡോര് വാക്കിംഗ്, ഔട്ട്ഡോര് സൈക്ലിംഗ്, ഹൈക്കിംഗ്, ട്രയല് റണ്, ട്രെക്കിംഗ്, ഇന്ഡോര് സൈക്ലിംഗ്, എലിപ്റ്റിക്കല് മെഷീന്, റോയിംഗ് മെഷീന്, ജമ്പിംഗ് റോപ്പ്, എച്ച്ഐഐടി, യോഗ, ഫ്രീസ്റ്റൈല് എന്നിവയുള്പ്പെടെ 110-ലധികം പരിശീലന മോഡുകള് ഈ ഉപകരണം വാഗ്ദാനം ചെയ്യുന്നു.
ആരോഗ്യ സംരക്ഷണത്തിന് അത്യന്താപേക്ഷിതമായ നിരവധി ഫീച്ചറുകളും ഇതിലുണ്ട്. Redmi Smart Band Pro ക്ക് മാഗ്നറ്റിക് ചാര്ജറാണ് നല്കിയിരിക്കുന്നത്. കൂടാതെ 200 mAh ബാറ്ററിയിലൂടെ, ഒറ്റ ചാര്ജില് നിന്ന് 14 ദിവസം വരെ ബാറ്ററി ലൈഫ് നല്കുന്നു. കൂടാതെ, 2 ദിവസത്തേക്ക് ഉപകരണം ഉപയോഗിക്കാന് 5 മിനിറ്റ് ചാര്ജ് ചെയ്താല് മതി.
